Interi kontakton Porton pasi Taremi jep dritën e gjelbër – Telegrafi

0
32

Mehdi Taremi ka rënë dakord për kushtet personale me Interin përpara një transferimi të lirë në verë dhe Porto është informuar zyrtarisht për negociatat në vazhdim.

Kontrata e sulmuesit 31-vjeçar iranian skadon me klubin portugez në fund të këtij sezoni dhe një marrëveshje e re nuk do të nënshkruhet, duke e bërë këtë gjashtë muajt e tij të fundit në klub.

Ai ka bërë mirë që nga ardhja e tij në vitin 2020, duke shënuar 86 gola dhe duke dhënë 53 asistime në 171 ndeshje me klubin portugez.

Taremi ka rënë dakord të nënshkruajë një kontratë trevjeçare me Interin, me vlerë rreth tre milionë euro neto në sezon plus bonuse. Ai ishte në prag të bashkimit me rivalët e Milanit në verë, përpara se një marrëveshje të dështonte në pengesën e fundit.

Sipas Calciomercato.com, Interi i ka shkruar tashmë zyrtarisht Portos për t’i informuar për negociatat në vazhdim me Taremin, duke bërë të qartë se ata duan ta mirëpresin sulmuesin si transferim i lirë në verë.

Gjithçka që i mbetet 31-vjeçarit në këtë pikë është të kryejë testet mjekësore me klubin dhe të vendosë stilolapsin në letër në kontratën e tij. /Telegrafi/