Duket se ndërhyrja e policëve të OPKE-së, të cilët i dhanë ndihmën e parë deri sa mbërriti ambulanca e EKAV-it dhe e mori, ka rezultuar shpëtimtar për 34-vjeçarin shqiptar që u qëllua me tre plumba në Votanikos në orët e para të së premtes.
Siç shihet edhe në fotot e siguruara nga media greke protothema.gr, efektivët e policisë kanë izoluar plagën e barkut që ka pësuar 34-vjeçari, i cili tashmë po trajtohet në spitalin “Georgios Gennimatas”. 34-vjeçari është gjetur në kryqëzimin e Iera Odos me Spyrou Patsis, ku ka kërkuar ndihmë nga kalimtarët, policët me një makinë patrullimi.
Siç mësohet, sulmi me armë ndaj tij ka ndodhur pak para orës 04:00 të mëngjesit në një park në zonën në rrugën e Sidirokastros. Sipas informacioneve autorët kanë qenë në një automjet me të cilin janë afruar më parë me 34-vjeçarin duke e qëlluar tre herë.
Të njëjtat informacione bëjnë me dije se në vendin ku u qëllua janë gjetur dhe konfiskuar tre gëzhoja të kalibrit 9 mm.
34-vjeçari u arrestua në vitin 2019 për një çështje droge, por provat e deritanishme nuk tregojnë për përfshirjen e tij në ndonjë rast tjetër të rëndë.
Top Channel