Revulucion te Barcelona, Deco planifikon të bëjë shitje prej 200 milionë eurosh këtë verë – Telegrafi

0
32

Barcelona po kërkon të rrëzojë ‘projektin’ e tyre pas njoftimit të dorëheqjes të bërë nga Xavi Hernandez të shtunën dhe drejtori sportiv Deco do të jetë ai që do të ngarkohet ta bëjë këtë.

Ndjenja në Can Barca është se skuadra aktuale e Barcelonës nuk është adekuate për objektivat e saj, pavarësisht se në fillim të sezonit pretendonte se ishte mjaft e mirë për të konkurruar për çdo trofe.

Sipas gazetës Sport, Deco dëshiron të ristrukturojë skuadrën dhe do të jetë në gjendje ta bëjë këtë vetëm duke shitur titullarët në mënyrë që të financojë atë rinovim.

Objektivi i tij është të sjellë rreth 200 milionë euro në shitje këtë verë, të frymëzuar si nga presioni ekonomik ashtu edhe nga nevojat sportive, siç shprehet e përditshmja katalanase.

Viktimat e para do të jenë Sergi Roberto dhe Marcos Alonso, të cilëve u skadon kontrata dhe nuk do të rinovohen. Raphinha është një tjetër lojtar që ka gjasa të largohet.

Ndërkohë edhe një ose dy qendërmbrojtës do të largohen ‘pa dyshim’ dhe këto vendime do të varen nga vetë lojtarët dhe vendimet e tyre personale.

Ndoshta nuk është rastësi që kjo del pasi Bayern Munich është lidhur shumë me mbrojtësin Ronald Araujo. Barcelona pohon se ai nuk është në shitje, por Bavarezët thuhet se janë të gatshëm të paguajnë 100 milionë euro për Araujo, gjë që do t’i çonte ata në gjysmë të rrugës drejt objektivit të tyre. /Telegrafi/