Lionel Messi vs Cristiano Ronaldo: Rivaliteti më i madh i futbollit nuk do të përsëritet pas një lëndimi mizor të portugezit – Telegrafi

0
33

Ndeshja e futbollit që të gjithë e prisnin me padurim dhe që nesër do të zhvillohet mes Al Nassr dhe Inter Miami, nuk do të jetë ajo që të gjithë prisnin, ndoshta duelin e fundit mes Cristiano Ronaldos dhe Lionel Messit.

Al Nassr dhe Inter Miami kanë organizuar një ndeshje miqësore që do të luhet nesër (e enjte) në Kingdom Arena në Riad.

Ndeshja u karakterizua si “vallja e fundit”, pasi Messi dhe Ronaldo duhej të takoheshin ballë për ballë.

Por asgjë nuk do të ketë prej saj. Shkak është lëndimi i Ronaldos, ndërsa informacioni sapo është konfirmuar zyrtarisht nga trajneri i Al Nassr, Luis Castro.

Portugezi i famshëm ka luajtur për herë të fundit në fund të vitit 2023 dhe më pas ka humbur ndeshjet miqësore në Kinë.

Më saktësisht, ato u anuluan për shkak se ai nuk u shërua për shfaqjet.

Ronaldo ende nuk ka nisur stërvitjet me ekipin, por punon individualisht në fushë dhe në palestër.

Klubi, si dhe të gjithë tifozët, shpresonin që portugezi të rikuperohej për ndeshjen, por sot Kastro konfirmoi se nuk do të ndodh. /Telegrafi/