Transferimi i mesfushorit kosovar, Qëndrim Zyba nga Ballkani te Legia Warszawa mund të dështojë, pasi thuhet ka hasur në një pengesë.
Gjatë ditëve të fundit u raportua se Ballkani dhe Legia kanë arritur marrëveshje për transferimin e yllit therandas.
Dje (e mërkurë) u tha gjithashtu se lojtari ka përfunduar me sukses testet dhe pritet vetëm zyrtarizimi i tij si lojtar i ri i Legia.
Megjithatë, mediat polake kanë raportuar sot (e enjte), duke thënë se çështja e transferimit të dytë të Legias po zvarritet.
Pasardhësi i Bartosz Slisz, kosovari Qëndrim Zyba, do të blihej nga FC Ballkani për rreth 400 mijë euro, por zyrtarizimi ka hasur në pengesa.
Sipas gazetarit Krzysztof Marciniak nga Canal+ Sport, pas testeve mjekësore të Zybës kanë lindur dyshime.
Sprawa transferu Quendrima Zyby lekko się komplikuje. Po testach medycznych pojawiły się wątpliwości, dziś kluczowe spotkanie i decyzja tak/nie.
Legia skłania się do wypożyczenia z opcją kupna.— Krzysztof Marciniak (@Marciniak_k) February 1, 2024
Sot (e enjte), më vonë është paraparë një takim vendimtar dhe një vendim “po/jo” për transferimin e lojtarit.
Legia tani është më e pritur për një huazim me të drejt blerje. /Telegrafi/