Presidentja e Kosovës, Vjosa Osmani, ka njoftuar se i ka dorëzuar dekretin e nënshtetësisë së Republikës së Kosovës shkrimtarit shqiptar me famë botërore, Ismail Kadare.
Dorëzimi është bërë gjatë vizitës që presidentja Osmani është duke e zhvilluar në Shqipëri.
“Mirë se vini Ismail Kadare në familjen e madhe të Kosovës”, ka shkruar Osmani derisa ka thënë se rrëfimet e tij le të vazhdojë të pushtojnë botën.
“Sot shkrimtarit tonë të madh Ismail Kadare, nderit të kombit tonë, ia dorëzova Dekretin e nënshtetësisë së Republikës së Kosovës. Mirë se vini Ismail Kadare në familjen e madhe të Kosovës! Rrëfimet tuaja le të vazhdojnë ta pushtojnë botën duke na kujtuar fuqinë e letërsisë për t’i formësuar perspektivat, sfiduar normat dhe nxitur dialogun”, ka shkruar presidentja Osmani në Facebook.
Top Channel