U grumbullua për herë të parë nga Kosova, Beka i lumtur që do t’i përfaqësoj Dardanët – Telegrafi

0
68

Përfaqësuesja e Kosovës ka mbajtur stërvitjen e parë pas grumbullimit për dy ndeshjet e muajit shtator.

Dardanët do të përballen me Zvicrën më 9 shtator, derisa tre ditë më vonë në udhëtim takohen me Rumaninë.

Ismajl Beka është prurje e re në Përfaqësuesen e Kosovës, me mbrojtësin e Luzernit që ka shkëlqyer në elitën e futbollit zviceran.

Beka është shprehur shumë i lumtur që është pjesë e Dardanëve.

“Jam shumë i lumtur që e përfaqësoj Kosovën. Jam shumë i gëzuar dhe i lumtur”.

“Më kanë pritur shumë mirë, lojtarët, stafi dhe të gjithë te Kosova. Për mua është shumë mirë e po ashtu për familjen time”.

“Jemi gëzuar shumë dhe shpresoj të jap maksimumin dhe që do të kemi suksese”, ka thënë qendërmbrojtësi shtatlartë i Luzernit. /Telegrafi/