SHPËRNDAJE

Nëse shikoni ndeshjet e fundit ndërmjet Atletico Madrid dhe Barcelonës, barazimi sikur të jetë i shkruar para ndeshjes. Si duket, Diego Simeone ka recetën për “tiki-taka”.

Katërta ndeshje në sezonë, i katërti barazim. Përsëri vetëm një gol, goli për Barcelonën i njejti golshenues si në Super kupë. I vetmi Neymar gjeti “vrimën” për të shenuar golin e Diegos Simeone.

Eshtë e qartë se në Vicente Calderon do të kenë tifozët më të zhurmshëm në Spanjë. Shumë me rëndësi do të jetë rezultati i cili mundëson që të mbrohen, gjegjësisht të presin shansin nga kundërsulmi, sikur mbrëmë.

Barcelona përsëri nuk arriti të shenoj më shumë se një gol Curtois. Mediet katalanase mendojnë se Barcelona ka merituar më shumë të festoj dhe atë bindshëm me një gol diferencë.

Ajo që le përshtypje më së shumti është se Simeone ka zgjidhje për sulmin objektiv të kundërshtarit kualitatic dhe formula e tij po funksionon në katër ndeshje radhazi. Për një rastësi, as nuk bie fjala.

Atletico përsëri arriti ta mbyll Messin, edhe pse verës flitej se ai është i lodhur dhe ende nuk ka gjetur formën (në një ndeshje ka luajtur vetëm njërën pjesë ndërsa në një gaboi penalltinë).

Messi para 10 ditëve shkatrroi Real Madridin, ai po luan në formën më të mirë në këtë sezonë, ndërsa me Atletico nuk ishte edhe aq bindës.

Sipas traditës, këtë sezonë Messi ka qenë një ëndërr e keqe për Atletico, i ka shenuar gola në secilën ndeshje, ndërsa tani në 6 orë ndeshje nuk ka shenuar gol.

Andaj edhe për këtë arsye në ndeshjen e kthimit mbetet gjithçka e hapur, Barcelona duhet patjetër të shenoj gol. Me siguri se në linjën mbrojtëse do të mungoj Pique ndërsa nga ana tjetër, nëse arrin të kthehet Diego Costa, do të jetë vdekje prurës për katalanasit që do të arnojnë mbrojtjen.

Në ndeshjen e kthimit do të kthehet edhe Raul Garcia, i cili është i suspenduar dhe është shumë i rëndësishëm për Atletico.

“Ne kemi treguar se mundemi të luajmë kundër tyre, por asgjë nuk ka përfunduar, nuk jemi afër gjysmëfinales as që kemi qenë” ka thënë Simeone.

Çfarë na pret pas një jave, mbetet të presim spektakël! /presheva.com/