Tenisti rus Daniil Medvedev është i indinjuar me vendimin e drejtuesve të US Open për të luajtur ndeshjet në fazat e fundit të këtij Grand Slam gjatë ditës kur temperaturat janë të larta, duke shtuar se një qasje e tillë do të ndalet vetëm kur të vdesë një tenist.
Këto fjalë vijnë pasi Medvedev luajti ndeshjen e dytë radhazi gjatë ditës dhe u përpoq të zbuste temperaturat e larta dhe kushtet e vështira të lojës duke hequr fanellat gjatë pushimeve dhe duke përdorur peshqirë me akull.
Tejet i zemëruar, gjë që dallohej edhe nga shprehja e fytyrës, në mes të ndeshjes, duke parë kamerën, u tha organizatorëve:
“Një lojtar do të vdesë. Dhe pastaj do të shihni…”.
Daniil Medvedev on the conditions in his match against Andrey Rublev:
“One player is gonna die. And they’re gonna see.” pic.twitter.com/zQhXWmdGQU
— The Tennis Letter (@TheTennisLetter) September 6, 2023
Kujtojmë se tenisti i tretë në botë ka mposhtur Andrej Rubljev me rezultat 3:0 në sete.
Në gjysmëfinale të këtij turneu Grand Slam, Medvedev do të luajë kundër tenistit të madh spanjoll Carlos Alcaraz, me të cilin u takua dy herë këtë vit dhe humbi të dyja. /Telegrafi/