Supersfida Shqipëri-Poloni do të zhvillohet mbrëmjen e sotme në stadiumin “Air Albania”.
Tifozëria e kombëtares kuqezi anë e mbanë trojeve shqiptare është mbledhur sot në Tiranë për t’i dhënë zemër djemve të Silvinjos.
Ndër ta do të jenë edhe tifo-grupi nga Prishtina, “Plisat”, të cilët nuk mungojnë asnjëherë në ndeshjet e Shqipërisë. Me thirrjet “UÇK”, “UÇK“, “UÇK“ ata kanë ndezur flakë Tiranën, ndërsa 3 orë na ndajnë nga përballja me polakët.
Federata Shqiptare e Futbollit ka bërë të ditur që në stadium do të jenë të pranishëm afro 22 mijë tifozë në përkrahje të “kuqezinjve”.
Top Channel