Ballkani do ta nis aventurën në grupet e Ligës së Konferencës në udhëtim te Viktoria Plzen.
Dueli mes Plzen dhe Ballkanit në Doosan Arena do të zhvillohet të enjten me fillim nga ora 21:00.
Tanimë shtëpia më e madhe e futbollit evropian, UEFA ka caktuar edhe gjyqtarët që do ta ndajnë drejtësinë në këtë duel.
Polaku Damian Sylwestrzak do të jetë gjyqtari kryesor bashkë me asistentët e tij Bartosz Heinig dhe Adam Karasewicz ndërsa Wojciech Myc është caktuar për në rolin e gjyqtarit të katërt.
Në dhomën e VAR-it do të jetë Pawel Malec, bashkë me asistentin e tij, Tomasz Musial.
Ballkani bën pjesë në Grupin C të Ligës së Konferencës, së bashku me Viktoria Plzen, Dinamo Zagreb dhe Astanën. /Telegrafi/