Ministri për Evropën dhe Punët e Jashtme, Igli Hasani kryesoi sot Dialogun Interaktiv Informal me Ligën e Shteteve Arabe dhe u takua me Sekretarin e Përgjithshëm, Ahmed AboulGheit.
Ai ku vlerësoi punën dhe përpjekjet e Ligës së Shteteve Arabe në parandalimin e konflikteve dhe bashkëpunimin e saj me OKB-në për të zgjidhur sfidat urgjente në rajonin e Lindjes së Mesme dhe Afrikës Veriore.
Gjatë kësaj të enjteje, ai gjithashtu mori pjesë në takimin e Ministrave të Punëve të Jashtme të Procesit të Bashkëpunimit të Evropës Juglindore.
Hasani nënvizoi rolin e rëndësishëm të SEECP në avancimin e mëtejshëm të bashkëpunimit rajonal dhe përshpejtimin e integrimit evropian.
Gjithashtu, Ministri Hasani shprehu gadishmërinë e Shqipërisë për të marrë kryesimin e SEECP-së për periudhën 2024-2025.
Top Channel