Të premten, më në fund u njoftua kontrata e re e Xavi Hernandezit me Barcelonën. 43-vjeçari ka zgjatur qëndrimin e tij deri në fund të sezonit të ardhshëm, me opsionin që marrëveshjes t’i shtohet një vit shtesë.
Xavi e ka rinovuar Barcelonën që kur u kthye në klub në nëntor të 2021. Nën drejtimin e tij, katalunasit fituan titullin e tyre të parë në La Liga në katër vjet, ndërsa Superkupa e Spanjës u fitua gjithashtu në janar.
Duke folur pas nënshkrimit të marrëveshjes së tij të re, Xavi pranoi se një arsye e madhe për dëshirën për të qëndruar ka qenë besimi që i është treguar nga hierarkia e klubit.
“Besimi ka qenë kyç për ne. Kryesisht nga Presidenti, departamenti i sportit dhe bordi drejtues. Të gjithë kanë pasur besim total tek ne, kryesisht kur gjërat nuk shkonin ashtu siç dëshironim”, ka thënë fillimisht Xavi.
“Është besim i plotë tek ne, dhe kjo është thelbësore që ne të mund të vazhdojmë me projektin tonë. Jam i lumtur dhe shumë mirënjohës”.
Duke folur për ambiciet e këtij sezoni, Xavi dëshiron që skuadra e tij të vazhdojë nga sezoni i kaluar, ku Barcelona fitoi La Ligën dhe Superkupën e Spanjës.
Thank you for everything Xavi! 😍
Here’s to more titles together 🏆💙❤️ pic.twitter.com/OtYCEzXNUE
— FC Barcelona (@FCBarcelona) September 22, 2023
“Të gjithë jemi shumë të motivuar. Të gjithë ne: Presidenti, bordi i drejtorëve, departamenti i sportit, stafi dhe lojtarët. Motivimi është i madh dhe ne duhet ta kapim atë. Ne duhet të përpiqemi t’i bëjmë tifozët tanë të lumtur”.
“Ky është qëllimi kryesor, dhe mbi të gjitha, ne duhet të fitojmë tituj këtë sezon”, përfundoi trajneri i Barcelonës.
Barcelona e ka nisur fuqishëm këtë sezon, duke marrë pesë fitore nga gjashtë ndeshjet e para. Nëse mund ta vazhdojnë këtë, shenjat janë të forta për një sezon të suksesshëm. /Telegrafi/