Trajneri argjentinas, Marcelo Bielsa, u shpërblye të premten me një pagesë prej dy milionë eurosh (2.1 milionë dollarë) nga ish-klubi i tij, Lille, për shkak të një klauzole në parakontratën e tij që e mbronte atë në rast shkarkimi, edhe për sjellje të pahijshme.
Avokatët nga të dyja palët konfirmuan për AFP se Lille ishte urdhëruar të paguante dy milionë nga 19 milionë eurot e kërkuara nga Bielsa, i cili u shkarkua pas 13 ndeshjeve në dhjetor 2017, në një moment kur skuadra renditej e dyta nga fundi në Ligue 1.
Lille pohoi se Bielsa, 68 vjeç, kishte treguar “agresion dhe denigrim” ndaj disa prej kolegëve të tij, madje edhe “mosbindje”.
Bielsa u kthye në Angli tek Leeds United, në qershor 2018, duke udhëhequr klubin e Championship në Premiership përpara se të shkarkohej në fillim të vitit 2022. Ai mori detyrën e trajnerit të kombëtares së Uruguait në maj./SuperSport
Top Channel