SHPËRNDAJE

Satirike

FESTA E FLAMURIT

Flet Murseli, nga Brukseli:

– Kjo Evropa, s’qenka plakë,

qysh na futi, prapë shuplakë!?

Me marrëveshje e përleshje,

si në rrugë e n’ Parlament,

e s’u mbushëm, aspak mend!

Si të themi ashiqare:

“Zajednicës” në Veri,

a s’i bie erë Serbi!?

E të tjetrën “Zajednicë”,

në Luginë e sollëm vetë,

e na qoftë, me nder, me shëndet!

A nuk thuhet edhe sot:

– Kur dhemb dhëmbi në Luginë,

vete gjuha në Ulqin…

Rron e thëna:

Si n’ Shkup e Shkodër,

kalon Shqipja, mal e kodër!

Po s’ arrti asnjëherë,

Të jetë bashkë n’ pavarësi,

Me Flamurin, kuq e zi!

Të kremtoj i bashkuar,

këtu Brukseli, nuk ka gisht,

mos t’i vejmë, vetes bisht!

Sevdail Hyseni