Kush nuk e do Peshoren? Kush? Po pra, askush!
Peshorja është krijuar për të mbajtur balancat, ruajtur qetësinë, për t’u dhënë drejtim gjërave, për të mos e ndarë mendjen në cilin restorant do të darkojë.
Peshorja është e fiksuar me harmoninë dhe drejtësinë, si dhe flirtimin. Megjithëse Peshorja flirton me të gjithë, mos të të gënjejë mendja, ka ca shenja që s’e kanë mirë punën me të, por edhe shenja që u shkon biseda vaj.
Këto të fundit janë shenjat e Ajrit – Binjakët dhe Ujori, meqë edhe Peshorja është shenjë Ajri. Ato e duan shumë delikatesën dhe finesën me të cilat kjo shenjë i zgjidh sfidat.
Binjakët vdesin të komunikojnë me Peshoren, e cila i kupton më së miri, edhe kur nuk mbarojnë dot së foluri. Peshorja e dëgjon me shumë vëmendje një Binjak, reagon në momentet e duhura, i jep mendime dhe e bën komunikimin shumë interesant. Nga ana tjetër, Binjakët e admirojnë Peshoren dhe e kuptojnë më së miri kur ajo s’e ndan dot mendjen për diçka.
Sa i përket Ujorit, Peshorja e do shumë mendimin unik të kësaj shenje. Gjithnjë gati për diskutime dhe kryengritje, Ujori le të themi që zgjon pjesën më të këndshme të Peshores dhe vlerëson shumë moralin dhe gjykimin e drejtë të Peshores.
Peshorja e ka të vështirë të ndërtojë raporte me Gaforren e ndjeshme dhe Bricjapin stoik. Të dyja këto shenja mendojnë se Peshorja s’është shumë e sinqertë dhe mundohet shumë që t’u pëlqejë të tjerëve, ndërkohë që Peshorja, citon Anabel.
Nga ana tjetër, s’është se i mirëpret shumë Gaforren dhe Bricjapin. Ajo mendon se Gaforrja krijon drama nga hiçi dhe Bricjapi është thjesht aq serioz, sa ta prish terezinë. /Telegrafi/