Ambasadori i Gjermanisë në Kosovë, Jorn Rohde, ka deklaruar se Kosova është duke përparuar më shpejt se vendet fqinje drejtë bashkimit Evropian.
Përmes një postimi në platformën X, ambasadori i Gjermanisë thotë se megjithatë duhet më shumë bashkëpunim mes subjekteve politike në Kosovë.
“Gëzohem që kam qenë pjesë e një tryeze të rrumbullakët për përparimin e Kosovës drejt Bashkimit Evropian. Kosova po përparon më shpejt se vendet e tjera të Ballkanit Perëndimor, por nevojitet më shumë bashkëpunim mes partive në parlament dhe komuniteteve etnike”, ka shkruar Rohde.
Rohde thotë se Kosova poashtu duhet të angazhohet më shumë në dialog.
“Për më tepër, Kosova duhet të bëjë më shumë përpjekje për të zbatuar marrëveshjet e arritura me Serbinë”, ka shkruar tutje Rohde./Telegrafi/
Glad having been part of a round-table on 🇽🇰’s progress towards 🇪🇺 today. 🇽🇰 progresses faster than the other WEB-countries, yet more cooperation among parties in parliament & ethnic communities needed. Additionally, 🇽🇰 must make more efforts to implement agreements reached w/ 🇷🇸 pic.twitter.com/UEQiBpEWuw
— Ambassador Jörn Rohde (@GermanAmbKOS) November 20, 2023