Këngëtarja e njohur shqiptare, Alma Bektashi, është rikthyer me një intervistë si rrallëherë.
Në Klan Kosova, ajo ka folur për shumë çështje përfshirë jetën profesionale e atë personale.
Artistja mes tjerash ka folur edhe për realitetin e hidhur shqiptar kur një grua do të ndahet nga burri.
“Më vjen keq ndoshta jam pak e vrazhdë në këtë aspekt por kultura fillon qysh prej prindërve. Ju e keni parë gjithmonë lindën pesë femra, gjashtë shtatë për me dalë një djalë. Mandej kur fillojnë me rrit, vajzave i jepet uji e djalit qumështi, se është vetëm një djalë, vajzat e hanë lëngun e djalit maza. Diskriminimi fillon prej nënës dhe babait”, u shpreh ajo.
E njëjta u pyet edhe për divorcin nga ish-partneri, për të cilin nuk dëshironte të fliste.
“Problemi është që unë nuk e di, por ligjet në Shqipëri tërhiqen, zhagiten. Sa i përket divorcit tim nuk do të flisja për dikë që është inekzistent në jetën time dhe të fëmijëve të mi”, shton Bektashi.
“Unë jam një nënë e cila gjatë gjithë kohës iu përkushtohet fëmijëve, kemi një marrëdhënie fantastike, jemi sikur tre shokë që jetojmë në një apartament”, përfundoi Alma. /Telegrafi/