Eurogol i Kleis Bozhanajt në Serie B. Mesfushori me tipare ofensive, erdhi nga pankina dhe i dhuroi Modenas fitoren 2-1 në derbin emilian përballë Reggianas së Alessandro Nestës.
22-vjeçari nga Tirana u fut në fushë në minutën e 64’ kur rezultati ishte 1-1. Dhe 6 minuta më vonë realizoi një gol shumë të bukur, duke dërguar në ekstazë tifozët e pranishëm në “Stadio Alberto Braglia”.
Ky ishte goli i dytë sezonal për Bozhanajn, ndërkohë që Modena ndan vendin e katërt me Cremonesen. Duke vijuar të mbajë gjallë ëndrrën për t’u rikthyer në elitën e futbollit italian.
Top Channel