Aplikacioni popullor i transmetimit të muzikës, Spotify, do të shkurtojë pothuajse një të pestën e fuqisë së tij punëtore, pavarësisht nga një fitim prej 65 milionë eurosh, sipas shifrave të tij të fundit.
Raundi i fundit i shkurtimeve të punës nga firma do të prekë rreth 1,500 njerëz – që është 17% e totalit aktual prej 9,300 punonjësish, shkruajnë mediat e huaja, përcjell Telegrafi.
Dhe ky është raundi i tretë i humbjeve të vendeve të punës në firmën e transmetimit këtë vit, me 200 punëtorë të liruar në qershor dhe 600 të tjerë në janar.
Lajmi vjen pasi kompania publikoi një fitim në tre muajt deri në shtator – fitimi i saj i parë tremujor në një vit – pasi rriti çmimet dhe raportoi një rritje të abonentëve.
Spotify aktualisht ka 601 milionë përdorues, nga 345 milionë në fund të vitit 2020.
Por shefi ekzekutiv i saj, Daniel Ek, tha në një letër drejtuar punonjësve se kompania punësoi “më shumë” në 2020 dhe 2021. /Telegrafi/