SHPËRNDAJE

Klauzola e Neymarit ka qenë 222 milionë euro, në Barcelonë kanë vendosë këtë çmim duke konsideruar se nuk ka klub që mund ta paguaj një çmim të tillë duke pasur parasysh edhe fer play financiar.

Por, PSG gjeti mënyrën, pagoi Neymarin, Braziliani pranoi të shkoj në Paris, dhe tek Barcelona janë nervozë për këtë shitje.

Klauzolën shitëse e kanë të gjithë lojtarët e mëdhenj në futbollin e sotëm, si të gjitë lojtarët tjerë të Barcelonës dhe Real Madridit.

Andaj, mos u çuditni nëse ndodh i njejti skenar me ndonjë lojtar tjetër.

Në Real Madrid është situata e tillë që Cristiano Ronaldo dhe Karim Benzema kanë çmimin 1 miliardë euro, Bale dhe James nga 500 milionë si dhe Luka Modric ndërsa Toni Kross nëse ndonjë ekip dëshiron ta blej është 300 milionë euro.

Nga ana tjetër, Barcelona nuk ka vendosë në marrëveshje çmime të larta të shitjes, ashtu siç ka qenë edhe rasti me Neymar. Messi e ka cmimin 300 milionë, Suarez 200, Pique, Busquets, Iniesta dhe Ter Stegen po ashtu 200.

Më poshtë e keni listën e lojtarëve sa e kanë klauzolën e shitjes.

Lojtarët e Barcelonës janë më tërheqës për klubet si PSG, Manchester City, Chelsea, Manchester United…