SHPËRNDAJE

presheva.com: Në fund të vitit 2015 keni kandiduar së bashku me Sabri Memetin për kryetar të PVD-së, dega Preshevë, ndërsa është zgjedhur Ardita Sinani e cila paraprakisht nuk ishte kandidate për këtë post?

Xhelal Memeti: Unë Xhelal Memeti si njeri me abicie fillova garën politke konform rregullave dhe Statutit të Partisë për Veprim Demokratik, duke filluar garën nga nëndega ime në BL Miratoc. Fillimisht u zgjodha kryetar i nëndegës mandej me pëlqimin e nëndegës u propozova kandidat për kryetar të degës PVD-së në Preshevë. Në atë kohë zyrtarisht ishin dy kandidat: Xhelal Memeti nga BL Miratoc dhe Sabri Mehmeti nga BL Rohovicë, ishte një atmosferë jashtzakonisht e mirë dhe të linte përshtypje që me të vërtetë PVD-ja po reformohet dhe po krijon hapsira për kuadra të reja. Kuvendi zgjedhor do të rrjedhë sipas kushteve dhe kërkesave të delegatëve, por gjithçka ndryshoi në natën e fundit. Ishte ditë e shtunë kurse ditën e nesërme pra të dielën u mbante kuvendi zgjedhor, kur pa pritmas në orën 21:00 Ardita Sinani shpalli kandidaturën e vetë për kryetare të Degës së PVD-së në Preshevë. Ky veprim apo kjo kandidaturë ishte kandidaturë tinxare dhe mirë e organizuar.

“Kandidatura e Ardita Sinanit për kryetare e PVD-së, dega në Preshevë ishte tinxare”

Pas këtij veprime ishte shumë normale që unë të reagoja, dhe mora masa te delegatët e kuvendit dhe kërkoja mbështetjen e tyre, por ajo më e keqja ndodhi që kuvendi filloi punën me një orë vonesë dhe në momentin që filluan të verifikohen pjesmarrësit e delegatëve aty kuptuam që nëntë (9) delegatë nuk ishin në list. Këta delegat të cilët ishin përkrahës të mi nuk figuronin fare në listë, ata ishin shlyer nga regjistri me qëllim që ti mohohet e drejta e votës, dhe arsyetimi i tyre ishte kinse lista qenka ajo e vjetra dhe kuvendi duhet mbajtur simbas kësaj liste. Nga ky inskinim mua më humbën 18 vota andaj dhe mbeta i dyti në këtë garë me 33 vota, për Ardita Sinani ishin 48 vota, dhe për Sabri Mehmeti ishin 6 vota.

“Manipulime me delegatë në Kuvendin zgjedhorë të PVD-së, dega Preshevë”

Ishte një grup brenda delegatëve që ishin shumë të revoltuar dhe kërkuan nga unë që të tërhiqem nga kandidatura, por une një gjë të tillë e refuzova sepse unë nuk erdha për të destabilizu (përçarë) subjektin por thjesht për të dhënë një kontribut timin mbrenda PVD-së me qëllim që një ditë të jemi në pushtet dhe ta ndihmojmë popullatën në forma dhe mënyra të ndryshme.

presheva.com: Cka ndodhi shikuar në retrospektivë sa kishit ju personalisht hapsirë aktiviteti brenda PVD-së?

Xhelal Memeti: Në fillim kisha një hapsir të kufizuar për aktivitete, kisha një përcjellje (vëzhgim) të madh nga ana e disa individëve të caktuar deri në atë masë sa që edhe postimet që i bëja në rrjete sociale tentoshin të mi kontrollonin, duke më shantazhuar me idenë që për të postuar duhet të miret leje nga subjekti. Këto budallakia fëmirore vinin direkt nga Nadërr Sadiku (ish shef i grupit të Këshilltarëve të PVD-së në Kuvendin Komunal, redaksia) e pas një kohe dhe nga një pjesë tjetër që ishin nën kotrollë të tij. Por për mua këto ishin veprime tepër të ulta për ta shpenzuar kohën, dhe unë nuk kisha të ndalur deri në arritjen e qëllimit. Qëllimi ynë kryesorë apo primar ishte marrja e pushtetit, gjë që edhe ndodhi por me shumë sakrifica dhe mund të madhë duke shpenzuar shum energji.

“Isha i vëzhguar se çka po postoja në Facebook, dëshironin të marrë leje për postime nga subjekti”

Ne qëllimit tonë e arritëm duke ardhë në pushtet dhe në marrëveshjen me partnerin e koalicionit unë u zgjodha zv.Kryetar i Komunës së Preshevës. Nga momenti i emërimit tim në këtë postë lindën diskutime dhe përçarje nga disa antarë të kryesisë së PVD-së në krye me Nadërr Sadikun. Këto diskutime të kota i ndërpreu kryetari i partisë z.Riza Halimi duke ja bërë të qartë që pozita e zv.Kryetarit as që do të diskutohet dhe se Xhelal Memeti është më meritori për këtë post.
Në bashkëqeverisjen mes PVD-se dhe APN-së, në fillim kam pasur një përkrahje të madhe nga z.Riza Halimi, kohë pas kohe edhe nga Ardita Sinani, ndërsa Nadërr Sadiku me disa antarë tjerë ishin atë që nuk ishin as antarë të kryesisë por thjesht individë të nivelit të ulët të cilët bartnin letra e fjalë poshtë e lart. Këta njërz dhe ky klan jo vetëm që arriti që të prish koalicionin me APN-në, por arriti të përçj edhe antarët brenda subjektit.

Por gjendja edhe më e keqe ishte pas ardhjes së Ardita Sinanit në postin e Kryetares së Komunës së Preshevës. Nga ai moment ishin me të vërtet të pa parë me fjalorin e tyre fyes dhe me formën e menaxhimit të kabinetit. Ky klan u bë shumë i fuqishëm sa që arrit tiˋa kthen tërë vëmendjen edhe vet z.Riza Halimit, që edhe ai filloi të distancohet me mua dhe filloi të mos i përfillë kërkesat e mia për një takim të mundshëm që të diskutohet për paknaqësit e mia mbrenda atij koalicioni.

“Distancimi me Riza Halimin”

Takimi nuk ndodhi gjërat nuk u sqaruan dhe unë u detyrova të jap dorheqje nga posti i zv.Kryetarit, pasi që mendoja se në këtë klimë politike unë nuk mund të vazhdojë aktivitetet të cilat i kisha të parapara.

presheva.com: Keni akuzuar kryesin e përgjithshme të PVD-së për lokalizëm, në çfarë fakte dhe argumente i bazoni këto akuza?

Xhelal Memeti: Po kjo është e vërtetë që mbrenda PVD-së egziston një klan në krye me Nadërr Sadikun dhe disa antar të tjerë që kanë dhe shprehin shumë lokalizëm, jo vetëm që bëjnë ndasi mes qytetarëve por dhe mbrenda subjektit e shprehin atë. Ka pasur indivit të caktuar që ish Kryetarja znj.Ardita Sinani i ka afruar mundsin që ti kenë deri 3 pozita nëpër komisione të ndryshme për arsye që janë njerz të tyre, e ka edhe nga ata të cilët me vite janë pjesë e PVD-së dhe ende as ata dhe as të afërmit e tyre nuk kanë mundësin të kenë një post partiak apo publik.

“Klani lokalist brenda PVD-së udhëhiqet nga Nader Sadiku”

presheva.com: Ju jeni iniciator i PD-së, dega në Preshevë, cilat janë prioritetet e PD-së për Komunën e Preshevës?

Xhelal Memeti: Pas dorheqje sime nga të gjitha funksionet politike, unë vendosa që ti vizitoj të gjitha nën-degët ku unë vetë i kisha formuar sepse në atë kohë PVD-ja ishte në shkatërrim e sipër dhe unë erdha për ti ndihmuar z.Riza Halimit dhe së bashku arritëm që ti formojmë nën-degët deri sa edhe mbajtëm kuvendin zgjedhorë. Unë mora për obligim që ti vizitoj të gjitha nën-degët duke ju faleminderuar për përkrahjen e dhënë, dhe duke u dhënë sqarime për dorheqjen time. Normal që kishim diskutime të ndryshme, por me kërkesë të nën-degëve ne duhet të dimë se çfar hapa do të marrim në të ardhmën. Vazhdimisht isha në kontakt me të gjith akterët kryesorë që më dhan përkrahje, dhe pas një periudhe të gjat diskutimesh ne bashkarisht vendosëm që të krijojmë degën e Partisë Demokratike. Krijimi i Degës së PD-së dega Preshevë erdhi si rezultat i kërkesës të miqëve, shokëve nga diaspora, bashkëpuntorëve të mi, simatizuesve etj.
Unë me bashkëpuntorët e mi zhvilluam biseda të shumta me përfaqësuesit legjitim të Partis Demokratike, dhe si përfundim erdhëm tek momenti për një ujdi që PD-ja të shtrihet edhe në komunën e Preshevës.

“Katër shtyllat e PD-së, dega Preshevë për zhvillimin e Komunë së Preshevës”

Pas diskutimeve që patëm në kryesinë qëndrore dhe kryetarin e përgjithshëm të Partisë Demokratike z. Nagip Arifi u dakorduam dhe morëm vendim për hapjen e degës në Preshevë, dhe që nga 16.08.2017 edhe zyrtarisht Partia Demokratike dega në Preshevë zhvillon aktivitetin e saj.
Prioriteti ynë është dhe do të mbetet rikthimi i perspektivës në Komunën e Preshevës duke u orientuar në katër (4) shtylla në: Zhvillim Ekonomik, Arsim, Shëndetsi, Barazi për të gjithë.

presheva.com: Me cilin subjekt politik nuk do të formonit koalicion për pushtet në Preshevë, Ju si subjekt a keni vija të kuqe?

Xhelal Memeti: Jo ne nuk dotë kemi vija të kuqe për asnjë subjekt politikë, ne kemi rivalitet politik por nuk kemi hasmëri me ndonjë subjekte, dhe është normale që të zhvillojmë garë. Dua ta potencoj për opinion e gjërë se Partia Demokratike dega Preshevë do të jetë shumë e kujdesshme në fjalorin e saj politik si. Ne nuk jemi ndërtuar me ndonje ideologji politike të ndonjë partie politike, e as kundër ndonjë subjekti politik aktual, ne kemi vizionin tonë qëllimet tona gjë që po e dëshmojme edhe me ardhjet në PD që po ndodhin në vazhdimsi. Ne mbetemi të hapur për bashkëpunim me të gjitha subjektet politike të cilat kanë qëllim që ti shërbejnë qytetarëve në mënyrën më të mirë të mundëshme, duke qenë transparent dhe të hapur para qytetarëve.

“Partia Demokratike në Preshevë, nuk ka vija të kuqe, kemi rivalitet por jo hasmëri”

Se cilat mundsi dotë të jenë për një koalicion të ardhshëm është herët të flitet krejt kjo mvaret nga rezultati i zgjedhjeve të parakoshme që pritet të mbahen në fund të këtij viti apo në fillim të vitit të ardhshëm.
Ne mendojmë që sa më shpejtë që të zhvillohet procesi zgjedhorë aq më mië është për qytetarët e Komunës së Preshevës, dhe mendoj se do të ndikoj në përmisimin e gjendjes aktuale politike, ekonomike,sociale në qytetin e Preshevës.

Xhelal Memeti, është kryetar i këshillit iniciues së PD-së, dega në Preshevë. Memeti është nga BL Miratoc ka jetuar dhe vepruar në Basel të Zvicrës. Është pronar i XHP Consulting, gjithashtu ishte shumë vite kryetar i Fondit Humanitarë të Kosovës Lindore (FHKL) ku në vitin 2013 kishte filluar aksionit për ndërtimin e 100 shtëpive në komunat Bujanoc, Preshevë dhe Medvegjë me moton “Të ndërtojmë, të shpëtojmë e të parandalojmë”. Memeti në dhjetor të vitit 2015 ku janë mbajtur zgjedhjet brenda partiake të PVD-së është zgjedhur me 37% të votave si nënkryetarë i degës së PVD-së për Preshevë. Ai gjithashtu ishte kryetarë i nëndegës së PVD-së për fshatin Miratoc. Në fillim të qershorit të vitit 2017 ai ka dhënë dorëheqje të parevokueshme nga të gjitha funksionet dhe strukturat e PVD-së. Që nga viti i kaluar ai është kthyer në Atëdhe dhe jeton me familjen e tij në Preshevë dhe Miratoc.

Tetor 2017 /presheva.com/