SHPËRNDAJE

Kryesuesi i Komisionit Shtetëror për Shënimin dhe Mirëmbajtjen e Kufirit Shtetëror, Shpejtim Bulliqi ka thënë se ish komisioni e ka pasur parasysh se toka po humbet, dhe ka zhvendosje të kufirit.

“Komisioni është duke bëtë punën e saj por me presion dhe nuk guxojnë të ngutemi në dëm të raportit, nuk jemi larg dhe opinioni do të ketë shumë shpejt raportin final”, deklaroi Bulliqi.

Bulliqi ka thënë para Komisionit për Integrime Evropiane se ish komisioni është thirr në Pako të Ahtisarit dhe ish komisioni Meha është dashur të veprojë në kritereve me standarde ndërkombëtare.

Ai ka thënë se në mungesë të Kadastrit të Kosovës në atë pjesë, ish Komisioni ka menduar se pala tjetër, Mali i Zi posedon kadastrin.

Ai ka thënë se javën që shkoi kanë qenë në vizitë në Slloveni dhe Kroaci dhe sipas tij është mëkat pse ish komisioni nuk ka pasur vizita për të parë përvojat e tyre për demarkim.

Bulliqi:Komisioni i kaluar ka qenë demarkim jo për vijë të re kufitare

Kryesuesi i Komisionit Shtetëror për Shënimin dhe Mirëmbajtjen e Kufirit Shtetëror, Shpejtim Bulliqi sot ka raportuar para Komisionit parlamentar për Integrime Evropiane lidhur me gjetjet për demarkimin e kufirit Kosovë-Mal i Zi.

Blerta Deliu – Kodra kryetare e këtij Komisioni tha se ratifikimi i kufirit është kusht për liberalizimin e vizave dhe e kemi pasur të arsyeshme të raportoni për procesin e demarkimit.

Kryesuesi Bulliqi për herë të parë ka raportuar para deputetëve.

Ai në fillim tha se më 13 tetor të këtij viti iu është dhënë një detyrë të bëjnë një vlerësim lidhur me punën e ish komisionit.

“Kemi pasur për detyrë edhe gjetjen e fakteve të reja me analiza efektive ose kontroll efektiv. Për një muaj e gjysmë ka qenë edhe punë në terren për hulumtimin e materialeve brenda dhe jashtë vendit. Edhe ne jemi të brengosur për këtë proces, mirëpo po punohet në mënyrë efikase në mënyrë që të dalim me rezultate finale”, tha ai.

Bulliqi ka shtuar se për fat të keq nga ajo që është gjetur nga puna e ish komisionit, ku sipas tij komisioni ka një bazë krejt tjetër juridike.

Bulliqi më shumë është marr me punën e ish komisionit për procesin e kaluar.

“Komisioni Meha ka tejkaluar kompetencat e veta , sepse ka qenë i themeluar për demarkimin e jo vijë të re kufitare”, tha Bulliqi.

Raporti sipas tij nuk ka përfunduar ende, përveç disa çështjeve teknike rreth ish komisionit