Inzaghi flet për dëmtimin e Lautaro Martinezit – Telegrafi

0
46

Trajneri i Interit, Simone Inzaghi ka konfirmuar se lëndimi i sulmuesit Lautaro Martinez në ndeshjen ndaj Bolognas ‘duhet të vlerësohet’.

Interi u mposht me rezultat 1-2 nga Bologna në shtesë në fazën e 1/18-tës së Kupës së Italisë, duke u eliminuar nga gara.

Megjithatë, kjo nuk ishte humbja e vetme e Nerazzurrëve, të cilët humben edhe yllin e tyre, Martinez, i cili u zëvendësua në pjesën e parë të lojës shtesë.

Duke dalë nga loja, sulmuesi argjentinas u pa duke çaluar dhe duke kapur majën e kofshës së majtë.

Ai ishte i dukshëm i shqetësuar dhe nervozua edhe në stol, pasi mbante një batanije mbi kokë për të shmangur kamerat.

Pas ndeshjes dhe eliminimit, Inzaghi është pyetur për lëndimin e Lautaro dhe ka dhënë një përditësim.

“Do të vlerësohet, shpresojmë se nuk ka qenë asgjë serioze. Stafi mjekësor është relativisht i relaksuar, por ne duhet ta vlerësojmë duke pasur parasysh se do të ketë një lojë tjetër pas dy ditësh e gjysmë”, ka thënë Inzaghi. /Telegrafi/