Ligjvënësit në Shtetet e Bashkuara të Amerikës janë shënjestruar nga telefonatat e mashtrimit, të njohura si “swatting”.
Dy ditë më parë policia amerikane nxitoi në shtëpinë e senatorit të Floridës, Rick Scott, pasi mori një telefonatë ku u gënjye se një person i armatosur kishte vrarë gruan e tij.
Rasti tjetër i ndodhur më përpara ndodhi me kongresmenen e Gjeorgjisë, Marjorie Taylor Greene, e cila ishte preja e radhës e telefonatave mashtruese.
Shumica e thirrjeve swatting këtë javë kanë pasur nën synim zyrtarët republikanë.
Por disa demokratë gjithashtu ishin në shënjestër, si kryebashkiakja e Bostonit, Michelle Wu.
Greene, një mbështetëse e shquar konservatore e kandidatit kryesor republikan Donald Trump, njoftoi në rrjete sociale se kishte pasur një seri thirrjesh mashtrimi kundër saj.
“Unë jam goditur 8 herë nga telefonatat mashtruese, por FBI nuk mund të kuptojë se kush është përgjegjës për swatting”, shkroi ajo në “X”.
Zyrtarë të shumtë në shtete të tjera gjithashtu u vunë në shënjestër të sulmeve me swatting (telefonata mashtruese).
Autoritetet deklaruan se telefonatat mashtruese, mund të jenë një tendencë për të bërë shaka, për këtë arsye i drejtohen shërbimeve të urgjencës.
Në fillim të këtij muaji, rreth 200 sinagoga dhe shkolla hebreje në të gjithë SHBA u vunë në shënjestër në vetëm një fundjavë.
Ndihmës drejtoresha e FBI-së, Cathy Milhoan, deklaroi se autorët e kërcënimeve mendohet se e kanë origjinën nga jashtë SHBA-së.
Top Channel