Organizuar nga Federata e Shahut e Kosovës, në ambientet e Hotelit AFA në Prishtinë ka përfunduar Festivali i shahut 2023.
Gara e fundit e këtij festivali ishte Kampionati ekipor i Kosovë në shahun blic.
Në këtë garë pjesëmarrëse ishin 14 ekipe të Kosovës të cilat garat i zhvilluan sipas sistemit të Bergerit me 13 xhiro, luajtën secili me secilin. Tempi i lojës ishte 3 minuta + 2 sekonda.
Kampion i Kosovës doli Drejtësia nga Prishtina. Ata në renditjen përfundimtare tubuan tubuan 24 pikë me 11 fitore dhe dy remizime pa pësuar asnjë disfatë.
Drejtësia luajti më këtë përbërje: Nderim Saraçi, Muhamet Asllani, Sulejman Suloviq dhe Xhevat Suhogërlla.
Prishtina zuri vendin e dytë me 19 pikë, kurse Prizreni doli i treti me 18 pikë, po aq pikë pati edhe Ferizaj në pozitën e katërt, kurse Dardania ishte e pesta me 16 pikë e kështu me radhë.
Ekipet më të dalluara u nderuan me kupa, medalje dhe diploma të cilat i ndau Armend Budima, kryetar i Federatës së Shahut të Kosovës.
Takimet i drejtuan gjyqtarët, Burhan Misini, Besnik Berisha dhe Osman Musa. /Gani Kosumi/