Ish-lojtari i Francës dhe ish-trajneri i PSG-së, Jean-Michel Larque, pretendon se Karim Benzema tani është penduar që ka lënë Real Madridin për të luajtur në Arabinë Saudite.
Benzema u shpall ‘i humbur’ nga gazetarët në ndeshjen e fundit të Al Ittihad të vitit 2023 me sulmuesin që thuhet se është larguar nga Arabia Saudite pa leje dhe është kthyer në Madrid.
Ish-fituesi i Topit të Artë e përfundoi kohën e tij në Real Madrid kur kampionët sauditë, Al Ittihad, ofruan gati 300 milionë euro për ta nënshkruar për tre vjet.
Fatkeqësisht, ‘Big Benz’ ka luftuar për të fituar zemrat e tifozëve në Arabinë Saudite që kur u transferua atje në verën e vitit 2023. Tani ai duhet të durojë të luajë në atë ligë deri në vitin 2026, përveç nëse klubi i tij mund të arrijë një marrëveshje për ta lënë të largohet përpara kësaj.
“Benzema është penduar që u largua nga Real Madrid për në Arabinë Saudite”, ka thënë fillimisht Larque në televizionin francez Rothen.
“Sigurisht, të gjithë bëjnë atë që duan, por ishte e rëndësishme që largimi i tyre të jetë i suksesshëm. Mbaj mend që ai kishte shprehur dëshirën për të përfunduar karrierën e tij në Real Madrid”.
“Ai kishte mundësinë. Ai mund të kishte përfunduar duke u larguar nga dera e përparme, pasi kishte sjellë disa tituj dhe kishte marrë Topin e Artë. Ai humbi duke iu bashkuar një kampionati artificial”.
“Ndonjëherë i shikoj ndeshjet e Arabisë Saudite dhe ata nuk kanë më këmbë. Rënia e një karriere është një gjë e tmerrshme. Është një betejë e humbur. Ai nuk e ndjen më atë. Është një betejë e humbur”, përfundoi francezi. /Telegrafi/