SHPËRNDAJE

Greg Delawie, ambasadori i Shteteve të Bashkuara të Amerikës u ka bërë thirrje deputetëve të Kuvendit të Kosovës që ta lënë anash politikën dhe t’i zgjedhin kandidatët që janë më të mirë për gjyqtarë të Gjykatës Kushtetuese.

“Votimi i sotëm i Kuvendit për të plotësuar pesë vende të lira të punës në Gjykatën Kushtetuese është çelësi për forcimin e sundimit të ligjit në Kosovë. Unë u bëj thirrje deputetëve të lënë mënjanë politikën dhe të zgjedhin kandidatët që janë personat më të mirë për gjyqtarë dhe që reflektojnë diversitetin në Kosovë, duke përfshirë gratë”, shkruan Delawie.

Ndryshe, sot Kuvendi i Kosovës do të mbajë seancë në orët e pasdites ku do të përzgjedh pesë nga dhjetë kandidatët për gjyqtarë të Gjykatës Kushtetuese.[FOTO]