“Ekzistenca ime është politike”, Dua Lipa rrëfen eksperiencën e saj në luftën e Kosovës, kërkon një armëpushim në Gaza

0
35

Këngëtarja Dua Lipa së fundmi është intervitë me revistën Rolling Stone, ku nuk kanë munguar as pyetjet në lidhje me luftën në Gaza, ku bën thirrje për një armëpushim human.

 “Mendoj se nuk ka lloj diskutimi të thellë për luftën dhe shtypjen. Është diçka që kemi parë të ndodhë herë pas here” tha këngëtarja për Rolling Stone të publikuar të martën.

“Ndihem sikur vetëm të jesh muzikante dhe të postosh për diçka nuk bën ndryshim të mjaftueshëm, por shpresoj se, të tregoni solidaritet, që është ndonjëherë gjithçka që ndjeni se mund të bëni, është e rëndësishme”, tha Lipa.

Dua Lipa shprehet se fakti që ajo jeton në Londër është sepse prindërit e saj u larguan nga lufta në Kosovë.

 “Ekzistenca ime është në njëfarë mënyre politike, fakti që unë jetoj në Londër është për shkak se prindërit e mi u larguan nga lufta”, shprehet ajo.

“Unë ndjej për njerëzit që duhet të lënë shtëpinë e tyre. Nga përvoja ime në Kosovë dhe kuptimi i asaj që bën lufta, askush nuk dëshiron me të vërtetë të lërë shtëpinë e tyre. E bëjnë për mbrojtje, për të shpëtuar familjen e tyre, për të kujdesur për njerëzit përreth tyre, për një jetë më të mirë. Kështu që ndihem empatike me ta. Ndjenjat e mia për njerëzit e zhvendosur janë shumë reale dhe të papërpunuara, dhe është një temë e vështirë për t’u diskutuar sepse është kaq ndarëse. Më vjen keq për çdo jetë izraelite të humbur dhe për atë që ndodhi më 7 tetor”, tha ajo për sulmet terroriste të ndërmarrë nga Hamas, grupi militant që kontrollon Gazën, që vrau më shumë se 1,200 izraelitë.

Më herët Dua Lipa së bashku me disa figura të tjera publike, i kanë dërguar një letër presidentit Biden, ku i bëjnë thirrje për një armëpushim sa më të shpejtë.

 “Në këtë moment, çfarë duhet të shikojmë është sa jetë kanë humbur në Gaza, dhe civilët e pafajshëm, dhe jetët që po humbin. Thjesht nuk ka mjaftueshëm udhëheqës botërorë që po marrin qëndrim dhe flasin për krizën humanitare që po ndodh, armëpushimin humanitar që duhet të ndodhë”, tha Dua.


Top Channel