SHPËRNDAJE

Sulmuesi ka shprehur dëshirën e tij për të gjetur forma të reja te një marrëveshje, kurse Madridi ende shpresojnë që ai të rri
Gatishmëria dhe citati sensacional i Cristiano Ronaldos se është gati për t’u larguar nga Real Madridi, nuk i kanë bërë përshtypje klubit, pasi që Los Blancos ende nuk janë dorëhequr nga ylli i tyre.

E përditshmja portugeze Record ka shkruar të enjten që Ronaldo ka bërë një vendim “të pakthyeshëm” që të largohet nga Bernabeu, një tregim që Goal e ka konfirmuar edhe përmes burimeve të saj brenda klubit madrilen.

Raporti thekson se sulmuesi portugez është prishur me Perezin në vitin 2017 pasi që ky i fundit nuk kishte pranuar për t’ia rritur pagën atij.

Ronaldo, kontrata e të cilit është deri më 2021, thuhet se ka një pagë të lartë, me të lartën në botën e futbollit, por Lionel Messi dhe Neymar fitojnë shumë më shumë se ai me kontratat e tyre të reja që i kanë nënshkruar para 12 muajve.

Manchester United, Paris Saint-Germain, Juventus, Inter dhe Roma janë disa nga skuadrat që po presin të përfitojnë nga kjo situatë dhe të marrin për vete Ronaldon pas nëntë viteve qëndrimi në Spanjë.

Madje, edhe pse ai ka fituar tri Liga të Kampionëve për tri vite, e fundit me Liverpool në maj, ylli menjëherë pas finales ka folur për të ardhmen e tij.

“Tani ta shijojmë këtë moment”, tha Ronaldo për BeIN Sports pas ndeshjes. “Brenda pak ditëve do t’i jepi një përgjigje tifozëve që kanë qenë në anën time. Ishte mirë që të jem në Real Madrid, në ditët në vazhdim do të tregojë më shumë për të ardhmen time”.

Pavarësisht kësaj, Real Madridi nuk është fare në panik për largimin e Ronaldos i cili do të udhëtojë me Portugalinë në Botëror dhe se ende nuk ka vendosur për të ardhmen e tij.

Reagimet e tij në Record kanë qenë shumë më të vogla sesa ato më 2017 kur Ronaldo foli për largim, e që shkaktoi panik tek Merenguezët.

Sipas burimeve të Goal, ky nuk është fundi i kapitullit të një sage që duket se do të sillet gjatë gjithë verës, derisa ende ka shpresë që sulmuesi të rri apo së paku të jetë në Real Madrid edhe për një sezon.

Ronaldo edhe sivjet pati një sezon të mrekullueshëm sidomos në Ligën e Kampionëve ku shënoi 15 gola në 13 ndeshje, për ta fituar këtë garë për tri vite rresht. Ai ka shënuar po ashtu edhe 26 gola në La Liga që është një statistikë shumë më e vogël sesa vitin e kaluar në La Liga.