Federata Shqiptare e Futbollit ka bërë me dije se së shpejti do të nisë implementimin e sistemit VAR edhe për disa nga ndeshjet e Kategorisë së Parë.
Përfshirja e sistemit VAR edhe në ndeshjet e kësaj kategorie ka qenë një objektiv i hershëm i FSHF-së ndërkohë që ky sistem përdoret në kategorinë “Abissnet Superiore” që prej sezonit 2021-2022.
Sistemi VAR tashmë përdoret rregullisht prej tre sezonesh ashtu si edhe në Kupën e Shqipërisë, duke filluar që nga faza çerekfinale e deri në finalen e madhe.
FSHF është duke bërë përgatitjet e fundit që përfshirja e sistemit VAR të nisë menjëherë në pjesën e dytë të sezonit për disa ndeshje të Kategorinë e Parë.
Vlen të theksohet se sistemi VAR në Kosovë veçse ka filluar të përdoret në disa nga ndeshjet kryesore të Ligës së Parë. /Telegrafi/