SHPËRNDAJE

David Foster i cili ka qenë i martuar katër herë, është fejuar me artisten, Katharine McPhee, konfirmon Page Six.

68-vjeçari i propozoi martesë të dielën, ndërkohë që çifti ishte duke pushuar në ishullin italian, Capri.

Megjithëse çifti ka qenë në lidhje për më shumë se një vit, ata kanë dalë për herë të parë së bashku në muajin maj në ceremoninë e Met Gala.

Kjo do të jetë martesa e pestë për fituesin e Grammy, i cili më parë ka qenë i martuar me B.J. Cook, Rebecca Dyer, Linda Thompson dhe, së fundmi, Yolanda Hadid.

Hadid dhe Foster u ndanë në janar të vitit 2016 pas katër vitesh martesë.

Ndërkaq për McPhee, 34-vjeçare, kjo është martesa e dytë pasi ajo më parë ishte e martuar me Nick Cokas.