Google prezanton opsionin “Circle to Search” – Telegrafi

0
59

Google ka prezantuar një mënyrë të re kërkimi për telefonat Android, të quajtur “Circle to Search”.

Ky funksion do t’i lejojë përdoruesit të kërkojnë informacione me anë të gjesteve si rrethimi, kryqëzimi, ose trokitja mbi atë që i intereson.

Siç ka shpjeguar Google, qëllimi i këtij përditësimi është që të bëjë më të natyrshëm ndërveprimin për kërkim në Google.

Për shembull, nëse ju intereson diçka mund ta rrethoni dhe ta kërkoni në atë mënyrë. Google sugjeron që ju mund të rrethoni një palë syze dielli që i mban një personalitet i famshëm, dhe më pas Google automatikisht do të kërkojë informata rreth tyre.

Rezultatet ndryshojnë varësisht prej pyetjes dhe produktit që ju zgjidhni të kërkoni. /Telegrafi/