SHPËRNDAJE

Kryeministri Zoran Zaev përmes një postimi në llogarinë e tij në Facebook, ka reaguar për vdekjen e 21-vjeçarit Nikolla Sazdovski, i cili para disa ditëve u sulmua nga tre persona në Shkup.

Zoran Zaev shkruan se urrejtja dhe dhuna nuk i përshtaten Maqedonisë dhe janë në dëm të drejtpërdrejtë të së ardhmes së shtetit dhe rinisë.

“Apeloj që të gjithë të përmbahemi nga gjuha e urrejtjes dhe jotoleranca. Vetëm kështu do t’ju japim mundësi institucioneve që ta kryejnë punën e tyre, për të cilën paguhen nga qytetarët. Drejtësia dhe toleranca në shoqëri janë qëllimet tona të përbashkëta, të angazhohemi plotësisht dhe me përgjegjësi t’i arrijmë”, shkruan Zaev.

Ai në fund ka shprehur ngushëllime për familjarët e Sazdovskit, i cili ndërroi jetë gjatë ditës së djeshme.