SHPËRNDAJE

Kryetari i Kuvendit të Kosovës, Kadri Veseli ka thënë sot se kërcënimi i familjeve të pjesëtarëve të Forcës së Sigurisë së Kosovës, të komunitetit serb, është i papranueshëm.

Veseli në një postim në rrjetin social Facebook duke iu referuar aksionit të sotëm të Policisë së Kosovës në Gjilan ku janë arrestuar pesë serbë, shkruan se të gjithë qytetarët e Republikës së Kosovës do të mbrohen pa dallim etnie dhe se institucionet e rendit dhe sigurisë në Kosovë kanë përmbushur detyrën e tyre, duke arrestuar pesë persona të dyshuar për cenim të sigurisë dhe rendit.