SHPËRNDAJE

Në emisionin “Përballje” është diskutuar për mundësitë për punësim dhe shkollim që kanë shqiptarët në vende të ndryshme perëndimore por edhe vështirësitë për integriminë këto shtete e çfarë mundësish ka për punësim në vendet si Gjermania nëpërmjet migrimit të rregullt dhe legal.

Afaristi nga Kosova që jeton dhe vepron në Gjermani, Arben Coli, në emisionin “Përballje” me gazetarin Muhamet Hajrullahu në RTV Dukagjini ka folur për karrierën e tij të në këtë vend si dhë për integrimin në shoqërinë gjermane.

Coli, i cili ka lindur në Gjermani, thotë se në përgjithësi shqiptarët ndjehen të integruar mirë në këtë shtet, por ka edhe paragjykime ose diferencime dhe kjo, sipas tij, fillon madje edhe nga emri.

“Gjëja e parë që një shqiptar do të përballet është çështja e emrit. Kur në një grup apo klasë prezantohen anëtarët, lexohen me radhë emrat. Kur vije radha te emri i një shqiptari, shembull Arben, të gjithë do të kthejnë kokën dhe shikojnë se ky tingëllon pak më ndryshe. Për një fëmijë[shqiptar] kjo është një ndjesi e pakëndshme… Mund të them se dikush me emër ndryshe duhet të japë mundin e dyfishtë për të qenë të barabartë me një gjerman ‘dem baba dem’”, tha ai, përcjell Telegrafi.

Arbeni thotë se paragjykimet ekzistojnë kryesisht nga individët, ndërsa shteti trajton njëjtë të gjithë.

“Paragjykimet vijnë nga personat pa detyra shtetërore. Ndërsa shteti i trajton të barabartë të gjithë ata që i plotësojnë kushtet. Ose ke status në Gjermani ose nuk ke. Nëse ke status, trajtohesh barabartë me tjerët”, thotë.

Coli ka thënë se shteti i Kosovës duhet të ketë një sasi të garantuar të vendeve të punës për aplikuesit nga diaspora, pasi edhe përfitimi do të jetë i madh.

“Këto vende të garantuara do të shpaguhen një ditë, pasi në Kosovë vjen dije e re”, tha ai.

Afaristi nga diaspora duke treguar përvojën e vet personale thotë se atij i janë dashur pesë deri në gjashtë vite nga themelimi i firmës për të pasur bilanc pozitiv.

“Përballje”: Mundësitë e punësimit në Gjermani përmes mënyrave të migrimit legal dhe të rregullt

A është Gjermania vendi i mundësive të punësimit për të rinjtë e Kosovës të cilët imigrojnë në mënyrë legale?Vështirësitë, mundësitë, paragjykimet dhe sfidat janë disa nga pikat e këtij debati

Gepostet von Telegrafi.com am Montag, 21. Januar 2019