SHPËRNDAJE

Darko Shariq, i njohur si “mbreti i kokainës në Ballkan”, është arrestuar sot në një aksion të përbashkët të policisë së Malit të Zi dhe Serbisë, raportojnë mediat në Beograd.
Aksioni është udhëhequr nga ministrat e Drejtësisë të Serbisë dhe Malit të Zi, Nikolla Selakoviq dhe Dushko Markoviq.

Shariq akuzohet për tregti me drogë dhe shpëlarje të shumave të mëdha të parave në Evropë dhe Amerikë.
Në janar të vitit 2010, kundër tij është lëshuar urdhër-arrest ndërkombëtar.

Ai sot në ora 10 është sjellur në gjykatën speciale.
Siç raportojnë mediet serbe, Shariq është fshehur në vendet e Amerikës Latine, duke kaluar nga një vend në tjetrin, ku edhe është gjetur.

Qeveria e Serbisë në ora 12 me këtë rast do të ketë edhe konferencë për medie.