SHPËRNDAJE

Këngëtarja suedeze Amanda Winberg, e njohur ndryshe si AMWIN, ka publikuar së fundmi një këngë shumë të veçantë.

Bëhet fjalë për një këngë ritmike, së cilës ajo ka vendosur t’ia lë titullin “Dua Lipa”.

Duke qenë se tingëllon pak e çuditshme se pse emërtimi i titullit të jetë emri i artistes shqiptare me famë botërore, AMWIN dha një shpjegim për këtë.

“Dua Lipa është shumë tip dhe mendoj se të gjithë do të bënin gjithçka për të. Si unë, në këngën ku flas për djalin që pëlqej. Kur bëra këngën, Dua Lipa ishte personi i parë që mendova. Mendova: ‘Çfarë është më mirë se një akullore? Dua Lipa”, është shprehur këngëtarja suedeze.

Mesa duket dashuria për kolegen me famë botërore, ka bërë që Dua të shihet si pikë referimi dhe frymëzimi te shumë artiste tjera.

Dua përndryshe ditëve të fundit ka vizituar vendet skandinave bashkë me të dashurin e saj, Isaac Carew.

Thuhet se arsyeja e kësaj vizite ka qenë ndjekja nga afër e xhirimeve të filmit “James Bond 25”, ku thuhet se këngëtarja shqiptare do të jetë interpretuese e kolonës zanore të këtij filmit.