SHPËRNDAJE

Turku Cuneyt Cakir është caktuar gjyqtar kryesor për ndarjen e drejtësisë në ndeshjen e kthimit gjysmëfinale mes Real Madridit dhe Bayern Munichut.
Reali do të jetë nikoqir i Bayernit në “Santiago Bernabeu” të martën në mbrëmje duke pasur parasysh se e ka fituar takimin e parë në Munich me rezultat 2-1.

Turku Cakir ka qenë gjyqtar edhe në ndeshjen e parë çerekfinale mes Juventusit dhe Real Madridit në këtë sezon të garave, të cilën vizitorët nga Madridi e fituan me rezultat të thellë 3-0.

Në fazën grupore, ai e drejtoi ndeshjen mes Tottenhamit dhe Real Madridit, ndërsa sezonin e kaluar ishte në krye të ndeshjes së kthimit gjysmëfinale mes Realit dhe Atletico Madridit në “Vicente Calderon”.

Për më tepër, ai drejtoi edhe takimin e parë të 1/8 së finales mes Chelseat dhe Barcelonës, që përfundoi pa fitues 1-1, si dhe finalen e Championsit mes gjigantit katalan dhe Juventusit në Berlin më 2015.