HP prezanton printer për internet

(presheva.com) - Kompania HP në muajt e ardhshëm do të prezantojë printer Ink JET i cili mundëson përdoruesve të kycen në internet pa pasur nevojë për kompjuter. HP internet printeri Photosmart Premium me Touchsmart ekranin e ndjeshëm në prekje do të shitet me një çmim prej 399 dollarë dhe do të mundësojë që përdoruesit e saj të kyqen në internet nëpërmjet ekranit me diagonale 4.3 inch, duke zgjedhur në këtë mënyrë atë çka dëshirojnë të printojnë, duke përfshirë biletat e kinemasë, receta të ndryshme, artikuj gazetash e revista të ndryshme.
Gjithashtu, përdoruesi do të kenë mundësi të vendosin fotografitë e tyre nëpërmjet servisit që mundësohet nga HP dhe quhet SnapFish. HP do të dërgojë edhe aplikacione për personifikim të përmbajtjeve në internet ku mund të përdoren për printimin e agjendave, kalendarëve. Mund të printohen gjitashtu edhe artikuj nga gazeta USA Today. gjithashtu të Google dhe FindandGo. Në fillim lokacionet për këto sheërbime do të jenë të kufizuara, ku nuk mund të printohen artikuj përveç se të USA Today, por më vonë ky numër do të rritet. Printeri ka mundësi të lidhet edhe me Wifi ose Bluetooth me iPhone dhe të printojë direkt fotografitë.

dr Driton SALIHU