Lëvizja e Progresit Demokratik
Rr e Kosovës, nr.54
17520 Bujanoc
Data: 17.12.2006

 KUMTESË

          Pas bisedave intensive të bërë me të gjitha forcat relevante vendosëse mbrenda LPD-së si dhe pas konsulltimit mbrenda vetë kryesisë të mbajtur më 17.12.2006. mirret vendim që subjekti jonë politik pra LPD, të mos marrë pjesë në zgjedhjet parlamentare serbe që do të mbahen më 21.01.2007.

Ne si LPD gjykojm me plot të drejt se pjesmarrja jonë në ne Kuvendin Republikan Serb në këtë kohë nuk është e përshtatshme dhe mund të jetë shumë destruktive prezenca jonë atje, sidomos pas zgjidhjes së statusit poltik të Kosovës, që do të rezultoj me krijimin e Kosovës si shtet i pavarur. Në të njejtën kohë ne e dim se mbrenda këtij viti qeveria serbe në kushtetutën e saj, Kosovën e sheh si pjesë integrale të shtetit serb.

Duke u bazuar në këto premise ne nuk e dim se cili do të jetë qëndrimi i Serbisë lidhur me pavarsinë e Kosovës, që sipas gjitha gjasave në Kuvendin e Serbisë do të aprovohen rezoluta të ndryshme kundër pavarsisë së Kosovës, dhe interesave të shqiptarëve.

Duke qenë të vetëdijshëm se prezenca jonë në Kuvendin e Serbisë nuk mund të ndikoj asgjë në qëndrimet e politikës serbe lidhur me këtë qështje, atëher ne nuk mund të pranojmë që të bëhemi dekor i politikës ditore serbe në arenën ndërkombëtare, duke e paraqitur veten si shtet demokratik ku rrespektohen të drejtat e pakicave, që në realitet është e kundërta e saj, dhe të jemi pjesmarrës të institucionit më të lartë të Serbisë nga i cili do të miratohen vendime kundër interesave të shqiptarëve të Kosovës dhe të Luginës së Preshevës.

NGA KRYESIA E LPD-së
Jonuz Musliu – kryetar