PARTIA DEMOKRATIKE KOMBËTARE

PDK-ja fton popullin e Kosovës Lindore  t'i bojkotoj zgjedhjet parlamentare të Serbisë

Elektorati shqiptar i Kosovës Lindore i tha me një “Jo” të madhe, referendumit kushtetues të Serbisë, kështu do të veprojë edhe me zgjedhjet parlamentare të Serbisë. Ai, nuk vepron me dy karta si disa nga partitë politike, të cilat dje i thanë jo referendumit e sot pranojnë të dalin në zgjedhje. Çfarë paradoksi.! Nuk votohet Kushtetuta, ndërsa të dilet në zgjedhje, të rregulluara nga po kjo Kushtetutë.

Shqiptaret e Kosovës Lindore, nuk kanë çka të marrin pjesë në zgjedhjet parlamentare,  sepse Serbia nuk po tregohet e sinqertë ndaj kërkesave të shqiptarëve dhe nuk po i konsideron faktor të rëndësishëm. Me rastin e kushtetutës, përfaqësuesit shtetërorë si Tadiqi, Kushtunica  dhe Lajiqi, sa herë e kanë vizituar Sanxhakun e sa herë Kosovën Lindore?!

Ndërsa, neve na dërgojnë organizatat joqeveritare për t’na bindur se Serbia është në rrugë të mbarë të demokratizimit përmes seminareve dhe tryezave të rrumbullakëta si kjo e fundit nga KDNJ.

Përfaqësuesit e pushtetit Lokal nuk e kanë legjitimitetin me vendos edhe jashtë pushtetit Lokal, ata janë të zgjedhur që ta drejtojnë popullatën dhe nëpër mes pushtetit Lokal t’ia përmirësojnë gjendjen popullatës, e jo të merren me politikë rajonale. Shumë më e ndershme, do të ishte sikur këto subjekte politike, të merren me efikasitetin e administratës se sa të merakoset për  zgjedhjet parlamentare në Serbi.

Në lidhje me presionet e partive politike pushtetarë përmes faktorëve ndërkombëtarë dhe besa edhe me ato institucionale në Kosovë, po bëjnë të pamundurën që ta bën elektoratin për të dalë në zgjedhje, me arsyetimin se është me interes prania e deputetëve në Parlamentin e Serbisë. Ashtu kanë vepruar edhe pa pëlqimin  e popullatës për kycjen e shqipatrëve në Trupin Koordinues të përkrahur nga ndërkombëtarët dhe dy Qeverive, por shqiptarët e Kosovës Lindore u injoruan e u robëruan edhe më tepër. 

Është e vërtetë se edhe në të kaluarën kemi pasur deputetë në Parlament të Serbisë, por gjatë luftës, tërnocasit  u maltretuan  u rrahën  u plaçkitën, u uzurpuan me dhunë 11 shtëpi nga ushtria, por jo vetëm tërnocasit. U rrethuan me tanksa e u bastisën shtëpi për shtëpie, u citën te reka gjithë populli, u mobilizuan me dhunë  84 të rinj, po edhe në Preshevë u plaçkitën disa shtëpi. Deputetët shqiptar as Partitë politike në pushtet nuk patën asnjë ndikim, bile në atë periudhë as që kanë treguar ndonjë aktivitet politik.  

PDK është kundër këtyre lojërave pa kufij, të cilat delvalvojnë proceset që çojnë përpara përparimet kombëtare. Dhe apelon për një kujdesie ndaj këtyre veprimeve, të cilat po e zbehin dhe po e shtrembërojnë imazhin e Kosovës Lindore, e cila ka ditur të qëndrojë vertikalisht edhe nëpër periudha më të rënda se këto të sotit.

PDK, fton elektoratin të mos u bindet partive politike për të dalë në zgjedhje parlamentare sepse do të bie ndesh votës së tyre kundërkushtetutës së Serbisë.

PDK, reagon ashpër ndaj obstruksioneve të disa partive politike shqiptare, që po bëjnë me Beogradin dhe Prishtinë, për ta hutuar elektoratin rreth zgjedhjeve parlamentare të Serbisë. 

PDK, fton spektrin politik shqiptar të Kosovës Lindore t’i bashkohet për realizimin e iniciativës për t’i vënë themelet Autonomisë së rajonit tonë, konform  vullnetit politik të shprehur në Referendumin e 1 dhe 2 mars, të vitit 1992.

Bujanoc,më                                                     Nga kryesia e PDK-së
01.11.2006                                               Nexhmedin Saqipi - kryetar