Organizata e Veteranëve të Luftës së Ushtrisë Çlirimtare për Preshevë, Medvegjë dhe Bujanoc, lëshon këtë:

Reagim

1. Ka kohë që presim, të merret vendimi pas shqyrtimit të lëndës së Komandantit të Shtabit të Përgjithshëm të UÇPMB-së z. Shefket Musliu, pas ankesës në prokurorinë  supreme të gjyqit Kosovar por, ende nuk ka përgjigje. As positive e as negative.

2. Ka kohë që përcjellim lojërat e “Drejtësisë” Kosovare, që bëjnë padrejtësi ndaj ish Çlirimtarëve. Duke I burgosur, dënuar e mandje edhe “gjykuar” ata që i sollën lirinë të gjithë qytetarëve të Kosovës dhe gjithë shqipëtarëve të rajonit përmirësimin e të drejtave të njeriut.

3. Ka kohë që Drejtësia kosovare po bëhet marionetë e e Padrejtësisë së Sërbisë, për të kapë, burgosë dhe dënu, poashtu përmes ligjeve të Sërbisë djemt më të shtenjtë shqipëtarë, në disa raste duke mos kursyer as familjarët e atyre që dhanë edhe jetën, për të vënë drejtësinë në vend.

4. Ka kohë që heshtim, dersi sa presim shqyrtimet me afate të pakufizura edhe ato kur janë të paligjëshme, ka kohë që heshtim që nga burgosja dhe dënimi I Çlirimtarëve,  para gjithë këtyre padrejtësive, ka kohë që heshtim deri sa ende vazhdojnë të gjykojnë Çlirimtarët.

            Mjaft!

Nuk do të heshtim më! Do të ngrisim zërin tonë të Veteranit, do të thyejm çdo barrierë që del para neshë për të na ndalur të jetojmë të lirë, sepse në fund të fundit luftuam për të jetuar të gjithë të lirë, e në mesin e të gjithëve edhe ne bëjmë pjesë.

Nuk përkrahim asnjë kriminel andaj, kapni kriminelët që lëvizin të lirë para hundëve tuaja, dhe lironi çlirimtarët e burgosur, sepse ne mendojmë se në burg e kanë vendin kriminelët e jo Çlirimtarët.

Ne jemi duke jetuar në këtë kohë, mos harroni! Nuk jemi duke jetuar në një kohë më të vonët e t’na tregoni se çka ka ndodhë, sepse I dijmë të gjithat, sërbia la pas makinën e padrejtësis nëpër njerëz të caktuar që shfrytëzuan pushtetin më heret, së pari për të ndar udhëheqësit e zonave operative nëpër “grupe” mandej për ti burgosur, e dënuar.

Kështu ndodhi edhe me zonën më lindore të Kosovës, ku u arrestua kryekomandanti i UÇPMB-së. U arrestua nga UNMIKU, u dënua me ligje të Sërbisë, po vuan dënimin në burgun e KOSOVËS.

Një gjyq me një gjykatës të huaj (jo shqiptar), një sistem të vjetër të Sërbisë, me dëshmitar të paguar të sërbisë (të cilët edhe vetë “dëshmitarët” e kanë pohuar se kanë qenë ose të paguar ose të kërcënuar nga sigurimi serb), akuza apsolutikisht të pabaza dhe të ngritura nga sërbia. Krejt kjo një lojë psiqike, kundër Komandant Shefket Musliut dhe familjes së tijë.

Për të mos e zgjatur më shumë, ne nuk do të presim, nuk do të përcjellim dhe nuk do të heshtim, por do të ngrisim zërin tonë dhe do të veprojmë, se e kemi humbur durim jo me fajin tonë por me tuajin, që po luani lojëra të pista!

Reagimi u drejtohet të gjithë atyre që kanë gisht, në bshkpunim me sërbin dhe sistemin e saj në ngritjen e akuzave, shqiptimin e dënimeve, burgosjen dhe mbajtjen nën arrest të Çilirimtarëve, sepse ata më tepër se të gjithë dhanë për lirinë dhe drejtësinë.

Ne nuk kërkojmë mëshirë, kërkojmë drejtësi!

OVL-ës së UÇPMB-së

Këshilli për Informim