PARTIA PËR VEPRIM DEMOKRATIK
The Party for Democratic Action
17523 Preshevë, R. Sadiku 3
tel/fax: + 381 (0)17 660 086
e-mail: riza_halimi@yahoo.com
27.06.2009
P r e sh e v ë

K U M T E S Ë
e Partisë për Veprim Demokratik

Partia për Veprim Demokratik së bashku me subjektet tjera politike shqiptare në protestat e qytetarëve, por edhe me paraqitjet e deputetit të këtij rajoni, reagoi ashpër për shkak të spektaklit të dhunës së organizuar shtetërore të ushtruar më 26 dhjetor 2008 me rastin e arrestimit të nëntë shqiptarëve në Preshevë.
Gjithashtu deputeti në disa raste iu kundërvua deklaratave të zyrtarëve të lartë serb me të cilat tentohet të arrestuarit të shpallen apriori fajtor për krime të rënda të luftës vetëm se prokuroria speciale tërë grupin e kualifikoi si pjesëtarë të UÇK-së!
PVD me këtë rast kërkon që organet përkatëse shtetërore sa më shpejtë të njoftojnë opinionin për masat që gjer më tani janë ndërmarrë kundër policëve që përdorën dhunën më 26 dhjetor.
Gjithashtu është e domosdoshme që procesi i filluar gjygjësor të jetë transparent, i argumentuar dhe tërësisht i liruar nga paragjykimet dhe politizimet që po e rëndojnë këtë proces gjygjësor që nga dhuna e ushtruar më 26 dhjetor.
PVD, njësoj si menjëherë pas arrestimeve, do të kërkojë përsëri nga institucionet përkatëse ndërkombëtare dhe organizatat për të drejtat e njeriut në Beograd që ta përcjellin këtë proces gjygjësor për të siguruar në këtë mënyrë të gjitha parakushtet për gjykim të drejtë dhe të paanshëm.
Në të njejtën kohë PVD me këtë rast përsëri kërkon nga organet përkatëse shtetërore që të bëjë procesuimin e të gjitha krimeve që u kryen ndaj civilëve në Luginë të Preshevës, duke vlerësuar se është e papranueshme dhe e dëmshme që prokuroria për krime lufte të seleksionojë rastet për procesuime gjygjësore e motivuar me aspekte etnike dhe politike.





KRYESIA E PVD-së

Riza HALIMI, Kryetar