SHPËRNDAJE

Kryeministri i Malit të Zi, Dushko Markoviq e ka porositur homologun e tij kosovar, Ramush Haradinajn, i cili në Kuvendin e Kosovës ka thënë se vota e tij është kundër demarkacionit sipas versionit aktual, që të të jetë më i përgjegjshëm në raport me këtë proces.

” Unë dua të porosis qeverinë e Kosovës, kryeministrin e ri që të jenë të përgjegjshëm ndaj kësaj çështjeje, sidomos të jenë të përgjegjshëm ndaj Malit të Zi si shtet mik i cili e ka mbështetur Kosovën e i ka mirëkuptuar rrethanat atje. Mali i Zi ka kryer punën e vet sa i përket demarkacionit, citon televizioni publik të ketë thënë Markoviq .

Ai më tej u shpreh: “Çështja e ratifikimit të marrëveshjes është në kompetencë te institucioneve të Kosovës, shpresoj që rreth saj të sillen me përgjegjësi dhe të jenë azhur. I kuptoj rrethanat në Kosovë por Podgorica ka bërë të gjithën që është pjesë e saj dhe se për këtë çështje më nuk do të bisedohet qoftë edhe për një centimetër”

Kosova dhe Mali i zi ende nuk e kanë përcaktuar vijën kufitare edhe pse marrëveshja mes dy shteteve është arritur tashmë.