SHPËRNDAJE

Zëvendëskryeministri i Kosovës, Fatmir Limaj, ka kujtuar masakrat në fshatrat Celinë, Fortesë dhe Brestoc.

Në 20-vjetorin e këtyre masakrave, Limaj ka thënë se kujtojmë civilët e pafajshëm të moshave e gjinive të ndryshme të vrarë nga forcat ushtarake e policore serbe.

“20 vjet pas kësaj masakre, kryesit e këtyre krimeve ende nuk kanë dalë para drejtësisë”, ka shkruar Limaj në llogarinë e tij në ‘Facebook’.

Limaj ka thënë se si Qeveri, por edhe si delegacion Shtetëror nuk do të heqin asnjëherë dorë së kërkuari drejtësi për sa kohë që kryesit e krimeve në Kosovë nuk e marrin dënimin e merituar.

Shënimi i plotë i Limajt:

 Sot bëhen 20 vjet nga masakra e 25 marsit të vitit 1999, në fshatrat Celinë, Fortesë dhe Brestoc të Rahovecit. Në këtë përvjetor kujtojmë civilët e pafajshëm të moshave e gjinive të ndryshme, të vrarë nga forcat ushtarake e policore serbe. 20 vjet pas kësaj masakre, kryerësit e këtyre krimeve ende nuk kanë dalë para drejtësisë. Ne si Qeveri, por edhe si Delegacion Shtetëror, nuk do të heqim asnjëherë dorë së kërkuari drejtësi për sa kohë që kryerësit e krimeve në Kosovë nuk e marrin dënimin e merituar. Lavdi e përjetshme të gjithë të rënëve! FL.