SHPËRNDAJE

Më parë këtë vit, u zbulua se Facebook ishte duke testuar një modalitet të errët për aplikacionin Messenger.

Më vonë u zbulua se përdoruesit mund të “marrin” funksionin me një mashtrim, por lajmi i mirë është se nëse vlerësoni modalitetin e errët në aplikacionet tuaja, Facebook ka njoftuar se veçoria tani është e mundshme për të gjithë përdoruesit.

Nëse dëshironi të aktivizoni funksionin, gjithçka që duhet të bëni është të prekni foton tuaj të profilit në aplikacionin Messenger për të marrë qasje në cilësimet e aplikacionit dhe pastaj klikoni në ‘dark mode’ për të kaluar aplikacionin nga pamja e tanishme me dritë në pamjen e errët.

Përderisa kjo mund të duket thjesht si një zgjedhje estetike, modaliteti i errët ndihmon në zvogëlimin e shkëlqimit kur përdorni aplikacionin.

Në disa raste mund të ndihmojë edhe për të kursyer jetën e baterisë, të cilën vetë Google e kishte pranuar në testimin e tyre.

Tipari duhet të jetë tashmë i pranishëm në dyqanet online, prandaj sigurohuni që të keni versionin më të fundit të aplikacionit dhe do të jeni gati për ta përdorur funksionin.