Logjika e ndërtimit të një politike të re me emra të vjetër për interesa personale!

U mendova të shkruaj apo të mos shkruaj dhe përsëri vendosa që për hir të së vertetes të shkruaj.

Ky vit mbi vete mbart humorin e keq që ka ndodh në komunën e Preshevës që e veçojn disa ngjarje të mëdha politike të koalicioneve të ndërtuara me rotacione polotike për interesa personale.

Ky teatër politik absurd që po konsumohet në këtë vit në komunën e Preshevës, do të hyn në sfondin e një krize, përmasat dhe konturat e së cilës, mbeten për t’u zbuluar pas disa muajve nga subjektet politike. Nëse sheh atë që flitet dhe debatohet në Kuvendin komunal dhe nëse i hedh një sy halleve të rrugës, kupton se po hyjmë në vitin 2009 të drejtuar keq dhe në mënyrë të çakorduar me të vetmin qëllim që disa individ ta shijojn për tre vite tjera luxin e pushtetit duke harxhuar kohë me ndërrime kadrovike që është një impuls negativ për subjektet politike ( që me diktate dëshirojnë të i disiplinojn inidvidet e zgjedhur po nga radhët e secilit koalicion të krijuar që nga 17 maji i vitit 2009. Dhe ky koncept politikë për dy dekada po përhapet te gjeneratat e reja si një sëmundje endemike .

Mashtrimin sistematik që politika e çdo krahu u bën qytetarëve, mbështetësve të vet dhe një numri militantësh, e ka parasysh gjithkush që e ka provuar këtë fatkeqësi të realitetit politiko-shoqëror në komunën e Preshevës. Por këta njerëz të pushtetshëm ende nuk vihen nën monitorimin e medias dhe institucioneve të tjera të pavarura të gazetarisë hulumtuese . Atëherë do të ndalohej lakuriqësia e këtyre njerëzve që abuzojnë me votën e zgjedhësve, që e përdorin atë për përfitime personale politike, nepotizëm dhe përfitime ekonomike.

Qytetarët e Preshevës e kuptuan qëllimin e tyre dhe janë të zhgënjyer nga puna dhe rezultatet e këtyre udhëheqësve, populli i këtushëm është kthyer në nostalgji, ndaj kjo masë e shumtë e rinisë sonë që endet rrugëve pa ndonjë shpresë për të ardhmen, ose kanë marrë arratinë përtej vendeve perendimore dhe liderët e këtushëm lavdimëdhenj u premtojnë vetëm kur vjen fushata zgjedhore.

Unë e shikoj shumë të vështirë dhe të largët ndryshimin pozitiv në këtë shoqëri Preshevare ku edhe puna, edhe vendi në shoqëri zihet me favorizime, me interesa të ngushta e të atypëratyshme. Nepotizimi është duke dominuar në çdo subjekt politikë në komunën e Preshevës. E nëse nuk je në një vend pune në shoqërin tonë është për hir të nepotizmit, dhe nëse nuk je i dëgjueshëm , servil atëher rrezikon të jesh pre e presioneve e shantazheve, deri sa besimi tek vetvetja të shkojë në zero, e ti vetë duhesh të detyrohesh të gjurmosh brenda rrjetit apo klanit, për të krijuar lidhjet nepotike në subjektet politike. Në të kundërtën, është e humbur aftësia për të mbijetuar në përditshmërinë e shoqërisë Preshevare. Nepotizmi sot në komunën tonë është shkatërruesi më i madh i vlerave individuale . Ama ai është mbreti i tregut, shoqërisë, ekonomisë dhe politikës në Preshevë. Për fatin e keq të të gjithëve që janë të radhitur në subjekte politike. Ende jetojmë në një demokraci anarkiste, dhe këtë regresizëm socialo-politik e përjeton edhe rinia Preshevare. Rinia jonë është kthyer në një rini që pret nga politika.



Si gjithë qytetarët edhe rinia preshevare si ,, pjesa më e re e me vitale e tij,, ndodhet në udhekryq . Ndodhet në udhëkryqin e një të ardhme të pasigurt dhe
kërkimit dëshpëronjes të një shprese optimiste se do të ndodhin ndryshime në shoqërin tonë ..... !!! Ashtu siç është ndërtuar sistemi politik plural dhe shoqëria e sotëme Preshevare është vështirë të gjej një hapësirë të pastër që vet subjektet politike duhet ta "prodhojn" ndjenjën e sigurisë dhe të optimizmit për një të ardhme që është aq shumë e domosdoshme për brezin e ri, për ta nxitur të eci përpara drejt horizonteve të dijes, përparimit,suksesit e perspektivës së lumtur nëse subjektet politike ndërtojn një sistem politik dhe mardhenie të mira shoqërore në mes njerëzve në çdo institucion ku punojnë ata.

Është politika denigruese e liderëve të paskrupullt që me mashtrime e marifete politike janë duke vrarë ëndërrat e rinisë e bashkë me ato edhe të ardhmen e kesaj shoqërie .... Si mund të ecë përpara funksionimi i ekonomisë, politikës, shoqërisë, qytetarisë, nëse nepotizmi (dhe karakteristikat zhvlerësuese të tij, si neglizhimi në punë, paaftësia, mungesa e transparencës, mungesa totale e përgjegjësisë, etj), do të vazhdojë të mbretërojë në të përditshmen tonë Preshevare? Është e vështirë të gjesh punë dhe e pamundur të depërtosh brenda klaneve partiake. Duhet patjetër të kesh rrjetin e të njohurve të kreut partiak, nëse don të futesh në listën e tregut të punës; e nëse njeh personin elitar , nuk të duhet madje asgjë as përvoja profesionale, as provimi shtetrorë nuk zbatohet parimi i ligjshmërisë , proporcionalitetit, racionalitetit. Për një vend të ri pune nuk janë të mjaftueshme kualifikimet për tu radhitur në ndonjë drejtorat komunal sepse kushtet ligjore për punë liderët nuk i zbatojnë nëse je më i pëlqyeshmi i tyre. Duhesh patjetër të njohësh dikë apo të krijosh klane brenda partiake, të jesh i referuar nga dikush, të kesh një pikë ndërlidhëse kontakti me liderin, përndryshe asnjë derë nuk do të hapet për ndonjë vend pune (përveç rasteve të pseudo-intervistave që bëhen rëndom para zgjedhjeve).

Ajo, te ne, edhe më tej vazhdon të mbetet si synim në kuptimin e ngushtë të definicionit të saj të thjeshtë: kryekëput si qëllim vetëm për arritjen e marrjes së pushtetit që klanet ta gjejn vet veten dhe pastaj “xhenet” për liderët dhe anëtarët tjerë të rrethit më të ngushtë partiak. Por, ndoshta si kuraje, fajin për këtë moral të gabuar politik duhet kërkuar edhe në realitetin e pakontestueshëm të “sui generis”-it që këto lëshime më nuk do të ndodhin.

Do të theksoja se gjatë kohës kur PVD-ja ishte në opozitë, ajo arriti të krijojë një traditë dhe përvojë të saj, të konfliktualitetit të ashpër politik në Kuvendin Komunal, me kalimin në pushtet gjatë koalicionit të krijuar PVD - PDSH, nga disa u krijua një botkuptim dhe praktikë e re e panjohur më parë që të punësohen njerëz që nuk e plotësojnë asnjë kusht ligjor me të vetmin qëllim që të janë në pushtet. Dhe kjo u vrejt gjatë periudhës nëntë mujore janë bërë disa gabime, qoftë për pasojë të hezitimit për të mos rënë në pozitat e palakmueshme me partnerin e koalicionit, qoftë për pasojë e mosnjohjes së disa individëve që ran në grackat e partis që ka qen rival 18 vjeçar i PVD –së. Kjo praktikë nuk është dashur të lejohet. Në filimet e ardhjes ne Pushtet disa individ e harruan të kaluarën duke vrapuar që të vijnë në poste, udhëheqja e PVD-së e la pas dore partinë dhe duke i anashkaluar disa anëtarë të denjë të kryesis së partisë. Kjo erdhi nga klanet që krijuan një produkt të manipulimeve politike.

Në traditën tonë politike në komunën e Preshevës, rrjeta e përzgjedhjes së njerëzve që do ti drejtojnë institucionet, nuk ka vënë gjithmonë në krye njerëzit e aftë profesional ( duke i plotësuar kushtet ligjore : qoftë në institucionet arsimore, shëndetësore, në kulturë, në informim, në drjetoratet komunale etj). Por vet personat po ndërtojnë një psikologji të servilit me shefin për të arrit në funksione të larta institucionale. Çka kjo dukuri po na shoqëron fatkeqësisht duke parë emërimet e njerzëve në drejtorate që nuk i plotësojnë asnjë kushtë ligjor dhe këta persona marrin votbesimin nga Kuvendi komunal . Ku gjatë këtij viti janë bërë ( rotacione në formim koalicionesh duke bërë ndërrimin e drejtorave. Por nuk pajtohem që të devalvohet personaliteti i tyre me titullin ushtrues detyre në çdo gjashtë muaj është ndërruar orkestra e institucioneve. Kjo „BINGO POLITIKE E NDËRTIMIT TË KOALICIONEVE RROTULLUESE “ ka me qen vetshkatrruese për disa subjekte politike – koha do te tregon më vonë.

Pse ndodhin këto dukuri ?

Përgjegjen e dini .......

E para .

Mungesa e diskutimeve të hapura për të gjetur zgjidhjet më të mira për politikën kadrovike, paaftësia e organizimit harmonik politik në mes subjekteve politike që janë në koalicion, mungesa e demokracisë së brendshme në një strukture politike etj. Prandaj,këto gjëra vazhdojn ta dëmtojnë rëndë imazhin e Preshevës që ka qen një epiqendër e zhvillimeve politike në Luginën të Preshevës.

E dyta.

Inspiruesit e logjikës së rrënimit e kanë pas shumë më lehtë të sajojnë strategjinë e rrënimit se sa të ndërtimit të koalicioneve meqë ajo është më e lehtë dhe gjejnë ndoshta përkrahje te njerëzit e shtresave të gjëra ngase mundësitë për përhapjen e një filozofie të tillë janë të panumërta.


Dhe a ka mbetur ndonjë në politikë që për gabimet e veta të turprohet ??

Kundërpërgjigja më e mënçur ndaj kësaj pyetjeje është ajo sipas së cilës pushteti të jep edhe mundësi për të ndryshuar realitetin prandaj dhe angazhimi i këtyre intelektualëve në politikë është i nevojshëm po qe se ata do të luftojnë sinqerisht për ato që premtojnë.E përsëris edhe një herë se, duke parë gjendjen e pashpresë, nuk mund të kem zemër t’i kundërvihem atyre intelektualëve që i janë afruar forcave politike që janë të prirur për manipulime politike. Por përsëri duke iu referuar përvojës së kaluar dhe po ashtu filozofisë time, mbi angazhimin tim intelektual që ti kontriboj kësaj shoqërie si nga ana profesionale që kam kryer gati 18 vite fakultetin, me përvojë gjatë vjeçare në organizatat MERCY CORPS, CARE INTERNATIONAL, dhe me provim shterorë jam anash kaluar nga pushtetarët.

Por intelektuali i angazhuar në një strukturë politike ndryshon nga militanti partiak në atë se ai e ruan qëndrimin kritik ndaj pushtetit, ruan të drejtën për të zbritur nga anija kur e sheh se ajo po ikën në rrugë të shtrembër. Kur flitet për raportin e moralit me profesionalizmin nuk mund të mohohet se njerëz më të ditur mund të sjellin më shumë përgjegjshmëri sesa njerëz të paaftë që jo rrallë i futen aventurës së abuzimit jo vetëm për shkak mungesës së moralitetit, por edhe për shkak injorancës dhe moslargpamësis. Por, megjithatë, sipas meje, në këtë vend mbetet prioritar problemi i nëpërkëmbjes së kualifikimit, të inteligjencës dhe të dinjitetit profesional nga arroganca dhe babëzia e pushtetetarit .


Shkruan : Avni Selimi