Formula 1 - 2009

Këtë vikend do të fillojë Formula 1, ku do të hyjmë edhe në një sezonë të re të cirkut më të shpejtë në botë, ku titullin e pilotit do ta mbrojë Lewis Hamilton (McLaren) kurse atë të ekipeve Ferrari. Në vazhdën e ndryshimeve që janë parajamëruar për sezonin e vitit 2009, pas revoltimit të pilotëve dhe ekipeve, nuk do të jetë në fuqi më në fund shpallja e kampionit në bazë të numrit të fitoreve, do të ketë edhe shumë ndryshime të tjera!
Presheva.com do t'i prezantojë edhe ndryshimet thelbësore që do t'i hasim këtë sezonë.

Gomat

Pas 11 sezonash, (1998-2008) përsërisi do të përdoren gomat e rrafshta.
 

Motori

Numri maksimal i rrotullimeve tani do të jetë 18.000 rrotullime në minutë, në vend të 19.000 sa ishte deri tani. Është e lejuar përdorimi i vetëm 8 motorëve për sezonë. Ekipi i cili përdor motor të ri pastaj, do të denohet me 10 vende në start pas cdo kualifikimi, por ka mundësi edhe të vendoset si i fundit.

KERS

Sistemi i "ripërtëritjes" së energjisë kinetike (KERS) e cila humbet gjatë frenimit do të vendoset në baterinë elektrike, kurse piloti me shtypjen e këtij "turbo butoni" që gjendet tek timonimund ta aktivizojë. Kur piloti shtyp një buton të tillë, bolidi do të merr rreth 85 kuaj fuqi më shumë me një kohëzgjatje prej 6.6 sekonda për xhiro.

Aerodinamika

Një numër i madh i ndryshimeve, siç i quajnë konsktruktorët si "revolucion i paparë" në Formula 1. Janë zvogluar krahët e fundit kurse kanë rritur ato në pjesën e përparme. Janë larguar një numër i madh i shtesave aerodinamike ndërmjet hapsirës që gjendet ndërmjet rrotave të përparme dhe atyre të pasme. Gjithashtu është e lejueshme edhe lëvizja e krahëve të përparëm.

Testimi

Gjatë këtij viti janë të ndaluara testimet gjatë seoznit të garave, llogaritja e së cilës fillon një javë para fillimit të sezonit dhe mbaron me 31 dhjetor 2009. Testimet limitohen deri 15.000 kilometra.

Safety Car

Deri sa gjendet në pistë Safety Car, pilotët mund të shkojnë në pit stop dhe të mbushen me benzinë. Secili pilot, në vartësi nga pozicioni që ka në stazë, do të duhet deri në kohë të caktuar të hyjë në pit stop - nëse hyn më herët për t'u furnizuar me benzinë, atëherë do të denohet.

Driton SALIHU