Marca: Ronaldo më i mirë se Messi

Gazeta spanjolle Marca e cila flitet se është më afër klubit mbretëror, ka vendosur të krahasojë dy fituesit e cmimit nga FIFA, futbollisti i vitit - Cristiano Ronaldo dhe Lionel Messi, dhe fitoren për një niansë e ka marrë Ronaldo.

Loja kolektive
Që të dy janë futbollistë individual. Mendojnë më shumë për vete se sa për ekipin. Messi është dicka më i disciplinuar nga Ronaldo, prandaj edhe loja e Barcelonës ka më shumë pasime dhe posedojnë me gjatë topin. Messi dëshiron të marrë topin sa më larg na goli kurse Ronaldo shpesh shkon solo tek goli. 

Teknika individuale
Pothuaj se e përkryer tek të dy lojtarët. Teknika e Ronaldos është magjike dhe jo e vecantë, secilën herë që e merr topin ai është në gjendje të bëjë dicka jo të zakontë. Ka një repertoar të gjerë, përdor të dy këmbët, kurse Messi më se shumti mbëshetet tek këmba e majtë. Ronaldo shpesh thotë se topi është pjesë e trupit të tij. 

Atributet fizike
Këtu është dallimi më i madh ndërmjet tyre. Ronaldo është një atlet i vërtetë. Viziton rregullisht palestrën dhe punon shumë në forcimin e muskulaturës. Repertoari i tij teknik mbeshtetet në kondicionin e madh që e ka. Këmbët e tij janë të gjata dhe më të forta dhe lëndohet më vështirë. Messi është i shkurtër dhe aty qëndron forca e tij. Këmbët janë më të shkurta dhe mund të lëndohet më shpesh. 

Shpejtësia
Dy koncepte të ndryshme të shpejtësisë. Ronaldo është më i shpejtë në distanca më të gjata duke arritur keshtu maksimumin. Messi gjindet më mirë në hapsira më të vogla, dhe në hapsira prej 4 deri 5 metra ai bën mrekulli. 

Driblimi
Messi këtu është më i fortë. Driblimi i tij është i shkurtë, pastër dhe dinamik. Shkon anash dhe topin e kontrollon mirë. Ai mund shumë mirë ta mbron me trup që e vendos ndërmjet topit dhe kundërshtarit. Ronaldo kërkon më shumë hapsirë, me shpejtësi e kalon kundërshtarin. Topi i gjindet gjithmonë nën shpute, dhe prekjet janë më të gjata. "bicikleta" është driblimi më i adhururuar i tij. 

Loja para golit
Ronaldo këtu është në përparësi. Shuton me të dy këmbët në vrap dhe me shpejtësi të madhe. Shpesh edhe nga distanca të largëta. Në vitin 2008 ishte golshenuesi më i mirë ne europë me 42 gola.
Messi gjithmonë kërkon profilin e majtë për të gjuajtur me këmbën e majtë. 

Pasimi
Messi mbështetet në pasime të shkurta në hapsira të vogla. Shpesh pason topin tek lojtarët kur gjendet para portierit. Ronaldo ka pasime të gjata. 

Loja me kokë
Ronaldo këtë e ka mësuar mirë në Angli dhe e përdor si armën më të fortë. Është më i gjatë se sa Messi dhe ka kërcim më të lartë. Topin me kokë e gjuan fort. Messi është më i shkurtë mirëpo arrin të shenoj edhe me kokë, si ne ndeshjen e Champions League kundër Manchesterit. 

Lideri
Qysh me të arritur tek Real, Ronaldo është vendosur si udhëheqës. Këtë rol ka pasur edhe tek Manchester dhe tek Portugalia. Gjithmonë dëshiron fitoren dhe është ambicioz. Messi ka një temperament më të butë. Më shumë bashkëpunon dhe më shumë dëshiron të flasë tek dhoma e zhveshjes se sa në terren. 

Ndërprerjet dhe penalltitë
Gjuajtjet e lira tashmë janë të njohura të Ronaldos. Ka një paletë të gjërë të gjuajteve të lira. Nga penalltitë është më pak i sigurtë kurse Messi shpesh shenon.